Tregtoni sigurtë!

  • Kur jeni duke bërë tregti, asnjëherë mos kryeni pagesa të parakohshme. Verifikoni gjendjen e artikullit para se ta blini atë.
  • Mos ndani informata të ndjeshme si: llogari bankare, numra të kredit kartelës, emra të përdoruesve dhe fjalëkalime.
  • Kërkoni letërnjoftim nga personi me të cilin jeni duke bër tregti. Sigurohuni se ai person është pronar legjitim i artikullit që dëshironi ta bleni. Nëse pronari i ri në rast padijenie blen një artikull të vjedhur, detyrohet që ta kthej atë.
  • Keni kujdes kur jeni duke bërë tregti me persona nga vendet e jashtme. Transaksionet ndërkombëtare rrezikohen më shumë nga mashtrimet. Ju mund të manipuloheni nga mashtruesit që ofrojnë dokumente falso.
  • Mos përdorni asnjëherë shërbime të pagesave si Western Union, BidPay ose Money Gram sepse këto janë metodat më të popullarizuara për mashtrime. Është shumë vështirë të kontrollohen ose kthehen pagesat nga këto agjenci.
  • Kushtoni vëmendje të veçantë nëse një ofertë duket shumë e mirë për të qenë e vërtetë ose nëse pala tjetër është shumë e shqetësuar dhe dëshiron të arrijë marrëveshje sa më parë.
  • Bisedoni me bankën tuaj në mënyrë që të merrni informacione rreth transaksioneve të sigurta. Kjo është e rëndësishme kryesisht kur bëni marrëveshje me shuma të mëdha parash.

Blerja dhe shitja e automjeteve

  • Verifikoni plotësisht se shitësi i automjetit është i regjistruar si pronari aktual i saj. Mundohuni të zbuloni nëse automjeti është i lënë peng aktualisht, ka ndonjë regjistrim të aksidenteve, dëmtimeve ose riparimeve.
  • Mos lejoni ndonjë blerës i interesuar ta ngas vetëm automjetin për testim – gjithmon shoqëroni atë. Nëse automjeti është motoçikletë, kërkoni ta shihni nga blerësi licencën e nevojshme të certifikuar.
  • Kujdes nga "ndërmjetësuesit financiar" të rremë. Ata do t’ju kontaktojnë ju me premtime mashtruese se do t’ju ndihmojnë që ju ta shisni veturën sa më shpejtë.
Në fillim