7 këshilla se si të fotografoni më mirë veturën tuaj

Nësë keni vendosur të shisni veturën tuaj në njëren nga uebfaqet online, atëherë mënyra se si e paraqisni dhe reklamonu atë është shumë e rëndësishme. Blerësi potencial do tërhiqet nga shpalljet të cilat kanë paraqitje më të bukur.

Në këtë blog ju mund të lexoni disa këshilla se si të bëni foto më të mira dhe të rrisni mundësine e shitjes së veturës tuaj shpejtë.

Këndi

Një ndër aspektet kryesore të një fotografie është këndi në të cilin është realizuar ajo. Në momentin e shkrepjes së fotografisë, ju duhet të mendoni për syrin e blerësit potencial. Kënd-vështrimi tregon aspekte kruciale të veturës tuaj. Mundohuni të kapni një kënd i cili përfshinë të gjithë veturën me detajet kryesore.

Ndriqimi

Mundohuni që të keni ndriqim të mirë në momentin kur ju të bëni fotografitë e veturës tuaj. Ndriqimi i mirë mundëson që të vëni në pah aspektet kryesore dhe cilësitë e veturës tuaj. Në ditët me diell mund të ketë reflektim të diellit nga vetura, prandaj është mirë që fotot të bëhen në ndriqim por pa diell.

Cilësitë e rëndësishme

Mundohuni te kapni pjesët më të rëndësishme të veturës. Kjo përfshinë pjesen e përparme, anash, mbrapa dhe dhe brenda makinës. Nësë doni, ju mund ti bëni foto edhe pjesës mekanike që të tregoheni më transparent.

Prapavija

Prapavija e fotografise duhet të jetë e qartë dhe e thjeshtë. Mundohuni të gjeni një ambient të bukur por që nuk e tërheq vëmendjen nga vetura. Natyra, parkingjet e ndryshme apo zonat industriale, janë ambiente perfekte për realizimin e këtyre fotografive.

Kualiteti i fotografisë

Në kohën që ne jetojmë, kualiteti i fotografisë është një nga standartet themelore kur shesim diçka. Duke marrë parasysh zhvillimin teknologjik, kualiteti i dobët i fotografive nuk është i tolerueshëm. Nëse nuk keni mundësi të bëni fotografi me kualitet optimal, atëherë paguani një fotograf profesional që të realizojë fotot për ju.

Editoni fotografitë para se ti postoni ato

Para se të postoni fotografitë, editoni ato duke përdorur aplikacione të ndryshme falas dhe me pagesë. Rregulloni ndriqnimin, ngjyrat dhe bëni prerjet e nevojshme që fotot të duken sa më bukur.

Zgjedhni fotografitë më të mira për ti postuar

Pasi të keni përfunduar gjithë këta hapa, zgjidhni vetëm 4-5 fotografitë më të mira dhe me domethënëse në mënyrë që të shisni veturen tuaj sa më shpejtë.

Në fillim