Postoni një njoftim të ri
Ja çfarë duhet të dini para se të bleni një iPhone të përdorur
Blerja e telefonave të ri të markës iPhone është shumë e kushtueshme dhe jo të gjithë kanë mundësi që ta kenë një të tillë. Për këtë arsye interesimi i njerëzve për të blerë iPhone të përdorur, vazhdon e rritet dita e ditës. E vetmja gjë që ju duhet të merrni parasysh është rreziku për ta bërë këtë. Në rast se iPhone i përdorur nuk është në gjendje të rregullt, atëherë ju do të humbni paratë tuaja sepse një blerje e tillë nuk ka garancion.
Procesi i blerjës të një iPhone të përdorur edhe pas gjetjes së çmimit ideal, nuk është e lehtë. Prandaj, ndiqni këta hapa dhe sigurohuni të merrni një iPhone të përdorur në gjendje të rregullt.
1. Vendosni se cili model i iPhone ju përshtatet
Zgjedhja e modelit tuaj të preferuar mund të jetë një zgjedhje mjaft e vështirë. Kjo pasiqë Apple çdo vit sjell në treg modele të reja të telefonave dhe jo çdo herë ju mund të bleni modelet më të reja. Me çmime dhe specifika jashtëzakonisht të ndryshme nga modeli në model, "Apple" iu ofron mundësi të shumta zgjedhjeje.
Blerja e një iPhone të ri do të thotë të se ju duhet zgjedhni nga këto shtatë modele aktuale të "Apple":
• iPhone 11
• iPhone Pro
• iPhone Pro Max
• iPhone XR
• iPhone 8 dhe 8 Plus
• iPhone 7 dhe 8 Plus
Marrë parasysh të gjitha këto modele të iPhone në treg, vendimi se cilin nga modelet ta bleni do të jetë shumë i vështirë për tu marr. Ajo çfarë ju duhet të bëni në këto raste është të konsideroni se cili prej këtyre modeleve do të iu përshtatet nevojave dhe financave tuaja.
2. Sigurohuni që blerjen ta kryeni nga njerëzit përkatës
Pasi të vendosni se cili model ju përshtatet më së shumti tani është koha të zgjedhni blerësin e duhur. Varësisht se nëse vendosni të bleni telefonin përmes ndonjë personi fizik, mobil shop, apo edhe online, ju duhet të siguroheni që telefoni të jetë në gjendje të rregullt dhe jo i modifikuar.
Nëse shitësi prej të cilit ju do të bleni telefonin do të ju shes një iPhone të vjedhur, atëherë përdoruesi i atij telefonit tuaj do ta lajmëroj telefonin që ju bleni si një telefon i vjedhur dhe kështu telefoni do të ju bllokohet dhe ju nuk do të mund ta përdorni më atë.
3. Kontrolloni numrin serik (IMEI)
Një ndër pikat kryesore që duhet të kontrolloni gjatë blerjes së telefonit të përdour është numri serik i cili njihet ndryshe edhe si IMEI. Numri serik i telefonit tuaj ose IMEI, gjendet në fund të pjesës së pasme të telefonit tuaj ose në “Cilësime”.
Pra, në mënyrë që të dini se telefoni është origjinal, ju duhet ta krahasoni numrin IMEI që gjendet në pjesën e pasme, me numrin që keni në “Cilësime”. Vetëm nëse është numri i njejtë, atëherë, telefoni është origjinal.
Përveç metodave të cekura më lartë, ju mund gjithashtu të verifikoni origjinalitetin e telefonit tuaj duke e lidhur telefonin me programin iTunes. Në momentin që ju lidhni telefonin tuaj me programin iTunes përmes kabllos, në ekran do të ju shfaqen të gjitha informatat dhe karakteristikat e telefonit.
4. Testoni kualitetin e telefonit
Të gjithë e dimë se telefonat nuk lejohen të përdoren para se t’i blini ata. Prandaj, në mënyrë që ju të keni një pasqyrim se si do të jetë eksperienca juaj gjatë përdorimit, duhet ta testoni atë në momentin qe ju prezentohet.
Nëse telefoni të cilin doni ta blini ka gërvishje në sipërfaqe, kjo është normale sepse ai është përdorur nga dikush para jush. Por, nëse ka probleme të brendshme atëherë është më mire që mos ta bleni atë sepse më vonë kjo situatë do të përkeqësohet dhe dëmet mund të bëhen të pariparueshme.
Në mënyrë që ta shmangni këtë situatë delikate këto janë gjërat që duhet t’iu kushtohet rëndësi gjatë testimit:
1. Ekrani
Rrisni ndriçimin e telefonit tuaj dhe verifikoni nëse shihni ndonjë vijë me nuancë të ngjyrës së verdhë. Kjo mund të duket e parëndësishme, por mundësitë që vija të përhapet në tërë ekranin janë të shumta.
Ndërsa nëse dëshironi që të siguroheni që çdo pjesë e ekranit të iu përgjigjet prekjeve në mënyrë të rregull ju duhet ta testoni atë me anë të prekjes. Për ta bërë këtë ju duhet të mbani gishtin shtypur në çdo ikonë dhe tërhiqni ato në pjesë të ndryshme të ekranit. Nëse aplikacionet zhvendosen lirshëm dhe nuk bien pa e hequr gishtin nga ekrani atëherë ekrani dhe sensorët janë në gjendje të rregullt.
2. Butonat
Për tu siguruar se butonat janë funksional ju duhet t’i kontrolloni ata. Butonat si: butoni për ndaljen dhe lëshimin e zërit si dhe butonat për rritjen dhe zvogëlimit të volumit mund të vërehen nëse janë duke performuar normalisht me anë të prekjes. Nëse këta butona lëvizin më shumë se sa duhet, atëherë ata nuk janë në gjendje të regullt.
Një tjetër buton i cili luan rolin më të rëndësishëm në performancën e telefonit është “Home Button” ose butoni posht ekranit. Nëse shihni se butoni rrotullohet apo edhe lëviz më shumë se zakonisht, atëherë butoni është zëvendësuar me një buton të cilësisë së ulët dhe nuk është funksional.
3. Mikrofoni dhe zmadhuesit e zërit
Ju mund të testoni mikrofonin dhe zmadhuesin e zërit përmes aplikacionit të quajtur “Voice Memos”, i cili ndodhet në iPhone. Në momentin që ju do të hapni këtë aplikacion ju do të keni mundësinë të inçizoni veten tuaj duke folur. Pasi të përfundoni inçizimin ju duhet të klikoni “Play” për ta ndëgjuar atë.
Ndërsa nëse dëshironi të konfirmoni se zmadhuesi kryesor është në gjendje të rregullt, klikoni në ikonën e cila gjendet lartë në anën e djathtë. Nëse inçizimi është i pastër dhe ndëgjohet pa zhurmë atëherë mikrofoni dhe zmadhuesi është në rregull.
Të tjera detaje që duhet t’i kontrolloni:
• Lidhja në internet
• Adapteri dhe ndëgjueset
• Kamera
• Bateria
Nëse i ndiqni këta hapa, atëherë telefoni që ju do të bleni do të jetë në gjendje të rregullt. Por, nësë i neglizhoni këto detaje dhe realizoni blerjen e një telefoni të përdorur, pa i pasur parasysh këto këshilla ju mund të zhgënjeheni dhe të përfundoni duke i humbur paratë tuaja.
Për të gjithë ata që duan të shikojnë apo edhe të blejnë iPhone online, MerrJep.com iu ofron mundësi të shumta zgjedhjeje.