Blerja e një veture të përdorur

Blerja e një veture të përdorur- Ja çfarë duhet të dini

Blerja e një veture çoftë ajo e re apo e përdorur, është një periudhë mjaft e lodhshme dhe stresuese në të njejtën kohë. Kjo sepse, pasi që t’i shqyrtoni ofertat, ju duhet të merrni një zgjedhje dhe vendim të rëndësishëm sa i përket llojit dhe çmimit. Vendim i cili do të ju shoqërojë për një kohë të gjatë.

Edhe pse çmimi luan rol kyç në marrjen e vendimit për blerje, ju duhet të dini se blerja e një veturë me një çmim të volitshëm, nuk është e vetmja gjë që duhet konsideruar kur vie puna tek blerja e një veture të re apo të përdorur. Ju duhet të mendoni gjithashtu edhe për shpenzimet gjenerale për mirëmbajtjen e makinës si dhe të siguroheni që veturën të cilën do e bleni të jetë po aq e vlefshme sa çmimi.

1.  Kërkoni çmimet për veturat e përdorura në treg

Gjëja kryesore që duhet të dini para se të bleni një veturë është çmimin që vetura ka në treg. Do të ishte një gabim shumë i madh nëse ju do të blenit një veturë pa bërë një kërkim për të. Ju mund të kërkoni informacione shtesë për çmimet e veturave të përdorura.

Për më shumë informacione rreth çmimeve të veturave ju mund ta vizitioni gjithashtu Merrjep.com ku mund të gjeni mijëra shpallje për vetura të reja dhe të përdorura nga ku mund t’i analizoni çmimet e tregut.

Të keni informacion të saktë se me çfarë çmimi është shitur vetura juaj në të paktën 30 ditët e fundit në MerrJep, ju jep një avantazh të madh. Kjo për shkak se, ka shumë njerëz që shesin dhe blejnë aty. Prandaj, kjo do të ju ndihmojë që t’i tregtoni blerësit potencial se me çfarë çmimi e kanë blerë veturën. Kjo do të bëjë që procesi i shitblerjes të kryhet në mënyrë transparente për blerësin dhe shitësin gjithashtu.

2.  Zgjedhni veturën me kujdes

Përveç rasteve kur vetura ju duhet urgjentisht, ne iu propozojmë që të merrni kohën e mjaftueshme për t’u fokusuar në procesin e blerjes së veturës.

Kërkoni informacione për veturën për të cilin jeni të interesuar para se të vendosni për marrëveshjen e fundit në mënyrë që të mos shkoni i pa përgatitur.

Ju mund ta bëni këtë duke vizituar autosallone të cilët shesin vetura të përdorura nga ku ju mund ta shihni veturën nga afër dhe të informoheni në detaje për përformancën dhe pamjen e saj.

Çfarë ju duhet të keni parasysh gjithashtu është se tashmë autosallonet nuk janë i vetmi opsion ku ju mund të shikoni dhe inspektoni veturën. Me zhvillimin e internetit, njerëzit kanë mundësi të kërkojnë gjithandej për njoftime të veturave për shitje. Edhe në Kosovë, falë faqeve të shumta online ju mund të kërkoni informacione dhe të dhëna të hollësishme për veturën që doni.

Gjithashtu ju mund edhe të kontaktoni direkt me shitësin apo edhe blerësin e veturës dhe caktoni takim për ta parë veturën nga afër.

3.  Inspektojeni veturën

Pasi që të keni vendosur se cilën veturë do e bleni, është koha që ta inspektoni atë. Ju duhet t’i kërkoni shitësit që të ju lejoj ta inspektoni veturën tek mekaniku para blerjes në mënyrë që të shihni se a është gjithçka në rregull.

Inspektimi i veturës

Problemet mekanike apo ato të mirëmbajtjes që mekaniku gjen gjatë inspektimit mund të përcaktojnë nëse ju bleni apo jo veturën. Rezultati i inspektimit mund gjithashtu të të ndikojë gjithashtu të negocioni një çmim më të ulët për blerje.

4. Testoni veturën gjatë vozitjes

Testimi i veturës është gjëja kryesore të cilën ju duhet ta bëni para se të vendosni ta bleni atë. Shumica e njerëzve të cilë janë të interesuar për blerje të makinës e testojnë atë në vozitje.

Testimi vozitjes bëhet për shumë arsye, por rehatia që vetura ofron gjatë vozitjes duhet të jetë prioriteti juaj. Kjo përshkak se, disa vetura mund të jenë të pa përshtatshme gjatë vozitjes dhe nëse kjo ndodh me veturën që ju po testoni, atëherë ju duhet të provoni një tjetër.

Mënyra më e mirë për të testuar veturën tuaj, është ta vozisni në rrugë dhe situata me të cilat ju ballafaqoheni çdo ditë. Vende si autostrada, rrugët brenda qytetit dhe zonat e larta janë disa nga vendet ku testimi i veturës do të jetë mjaft transparent.

Testimi i veturës në vozitje

Gjërat që duhet t’iu kushtoni vëmendje gjatë vozitjes janë:

• Zhurma e motorrit

Akselerimin apo nisjen

Ndërrimin e shpejtësive

• Frenat

• Freni i dorës

• Amortizerët

• Bagazhi

5. Negocioni çmimin

Në mënyrë që të negocioni çmimin e veturës suaj, ju duhet të keni njohuri të mjaftueshme për të. Informata si numri total i pronarëve, gjendja momentale e veturës si dhe çmimin me të cilën  vetura dhe modeli përkatës është shitur muajin e kaluar. Prandaj, bëni kërkime dhe mbledhni informacionet e duhura në mënyrë që të negocioni çmimin më të mirë të mundshëm.

Negociatat për blerjen e veturës

Këto janë disa nga mënyrat e negocimit që ju mund t’i përdorni:

1. Mos e merrni situatën personale. Ju nuk duhet të harroni se negociata po bëhet duke u bazuar në veturë dhe jo në ju personalisht.

2. Negocioni me personin e duhur. Varësisht nëse do të bleni veturën nga ndonjë person fizik apo tregtar të veturave, ju duhet të siguroheni që po negocioni me personin e duhur.

3. Mbani shënime me vete. Mund të jetë shumë e lehtë të del situata jashtë kontrollit dhe të ngatërroheni, prandaj shënoni pikat kryesore apo çmimin të cilin ju ofroni për atë veturë.

4. Caktoni një çmim të cilit ju mund t’i përmbaheni.

5. Mos filloni nëse nuk ndiheni gati për negociatë. Shmangni procedurën e negocimit nëse nuk jeni i gatshëm për të bërë marrëveshjen.

Të gjithë e dime se blerja e veturës është një proces mund të jetë stresues dhe i kushtueshëm Por, me një përgatitje dhe kërkim të mirë ju do të merrni vendimin dhe marrëveshjen e duhur.

Në fillim