makinat me te kerkuara te vitit 2019 ne merrjep

Makinat më të kërkuara të vitit 2019 në MerrJep

Sipas statistikave të MerrJep.com këto janë makinat më të shikuara për vitin 2019 në Kosovë.

1.  VW- VOLKSWAGEN

Marka Volkswagen mban primatin e markës më të shitur në Europë edhe për këtë vit. Kjo nuk kishte si të mos transmetohej edhe në Kosovë. Sipas insitutit GAP, marka e veturave që regjistrohet më së shumti në Kosovë është marka Volkswagen (VW). Në faqen e MerrJep.com, marka Volskwagen është marka me blerësit më të interesuar të makinave me 822.673 shikime të grumbulluara. Ndërsa makina VW Golf, është makina më e shikuar e markës VW në MerrJep.com

 • VW Golf 6

Makina VW Golf nga marka “Volkswagen” është makina më e shikuar në MerrJep me gjithsej 47,326 vizitorë. Golf vazhdon të jetë një nga zgjedhjet më të sigurta dhe më të dëshiruara të makinave prej markës VW. Formula thelbësore e kësaj makine të vogël familjare ka pësuar ndryshime nga dekada në dekadë. VW Golf 6 ka dizajn të thjeshtë dhe është i stiluar me shumë shije dhe përmbanë të gjitha paisjet që ju duhen.

golfGolf 6

Kjo makinë është shumë e lehtë për tu trajtuar dhe për tu mbajtur gjithashtu. Popullariteti i saj i vazhdueshëm dhe imazhi që kjo veturë ka fituar, bëjnë që kjo makinë të shitet lehtë dhe me një çmim të arsyeshëm.

2. BMW

BMW është marka e dytë më e kërkuar në MerrJep me gjithsej 555.936 shikime. Ajo çfarë e bënë të veçantë vozitjen e BMW-së është karakteri sportiv dhe luksoz i makinës. Që nga momenti kur iu ofrohet mundësia për të vozitur një BMW, ju do ta kuptoni se kjo nuk është makinë e zakonshme.

bmwBMW

Një nga avantazhet e BMW-së është se kjo makinë iu jep rastin që të testoni limitet e saj në çdo situatë. Mirëpo, kur bie fjala tek mirëmbajtja e makinës, ata të cilët vozisin BMW tashmë e dine se kur një makinë kushton shumë, atëherë mirëmbajtja e saj do të ketë çmim të lartë gjithashtu. Që nga ndërrimi i vajit e deri tek rregullimi dhe inspektimi i frenave, mirëmbajtja e BMW-së do të kushtojë më shumë se çmimi normal i mirëmbajtjes së makinave të tjera.

Numri i lartë i shikimeve që kjo makinë ka grumbulluar përgjatë vitit 2019 , na bënë të kuptojmë se shpenzimet e larta në mirëmbajtje, nuk janë pengesë kur bie fjala tek të pasurit një makinë siç është BMW-ja.

3. Audi

Marka e makinave Audi zë vendin e tretë si vetura më e shikuar në MerrJep për vitin 2019 me 547.91 shikime.

Ajo që e bënë Audi të jetë në këtë listë është se pavarsisht markës luksoze me karakteristikat e fundit të  sigurisë, interiorit, teknologjisë dhe dizajnit të jashtëm, Audi është e përballueshme për tu blerë dhe mirëmbajtur Kjo përshkak të qëndrueshmërisë së lartë të shumë modeleve dhe të dhënave teknike.. Sa i përket modelit më të shikuar të markës Audi, vetura Audi A4 mban fronin si vetura më e shikuar e markës Audi.

 • Audi A4

Audi A4 është makina më e shikuar e markës Audi me gjithsej 193.365 shikime nga vizitorët e MerrJep.com.  Që nga koha e prodhimit ky model ka ndryshuar shumë. Makinat, transmetimet, dizajni e shumë gjëra të tjera. Por, vetëm një gjë ka mbetur e njejtë- dashuria e konsumatorëve për këtë model.

Audi A4 është model i cili është në përputhje me makinat gjermane me një madhësi të mesme, motor të fuqishëm ekonomik dhe me një çmim shumë të arsyeshëm në treg.

Makinat më të kërkuara të vitit 2019 në MerrJepAudi A4

Kjo makinë ka një interior të brendshëm shumë cilësorë dhe është shumë komode për tu vozitur. Audi A4 përbëhet nga 2 dyer dhe pesë ulëse. Në pjesën e parme, ulëset janë shumë të rehatshme dhe mbështetëse për vozitje të gjata, ndërsa pjesa e pasme është mjaft akomoduese dhe ofron mbështetje të mire të kokës.

Falë kombinimit të materialeve me cilësi të lartë të interierit dhe stilimit minimalist, interieri i veturës Audi A4 është ndër interioret më të mira të klasit të tij.

4. Mercedes-Benz

Marka Mercedes rradhitet e katërta në mesin e markave më të shikuara të makinave në MerrJep. Llojet e makinave Mercedes-Benz C-Class kanë arritur të ketë 322.093 shikime brenda vitit.

Mercedes-Benz është një makinë e përkryer e cila ofron komoditet të lartë gjatë vozitjes. Me një gamë të caktuar, Mercedes-Benz është makinë e cila sigurohet që të ofrojë sportivitet, rehati dhe cilësi gjatë vozitjes. Këto veti Mercedes i arriti me anë të zgjerimit të ngurtësisë ekzekutive të tij.

mercedes-benzMercedes Benz

Kjo makinë mbetet mbi të gjitha më shumë një Mercedes-Benz për ata që e duan një të tillë. Por pamja më e mprehtë që vetura ka, lë për të imagjinuar se kjo gjithashtu është e denjë për tu marrë në konsideratë edhe nga blerës të cilët nuk e kanë imagjinuar veten si shoferë të Mercedes më parë.

Siç edhe mund ta vëreni, vetura që pëlqehet më së shumti nga kosovarët është VW Golf 6. Lloji i makinës Golf është përdorur shumë tek ne edhe në vitet e kaluara. Dhe tani siç duket, modelet më të reja të Golf do t'i shohim edhe për një kohë shumë të gjatë nëpër rrugët e Kosovës.

 

 

 

 

 

 

 

 

Në fillim