5 Këshilla për të pasur punë produktive nga shtëpia gjatë Coronavirusit

5 Këshilla për të pasur punë produktive nga shtëpia gjatë Coronavirusit

A keni menduar si të punojmë nga shtepia online? Tashmë të gjithë ne jemi duke iu përmbajtur këshillave për të qëndruar në shtëpi në kohën e pandemisë Coronavirus (COVID-19) e cila tashmë është shpërndarë në të gjithë botën.

Covid-19 është përhapur shpejtë edhe në Kosovë dhe kjo ka bërë që kompanitë të mbrojnë puntëtorët nga ky virus dhe të praktikojnë punën remote, pra punën nga shtëpia derisa gjendja të normalizohet dhe virusi të zbehet dhe të hiqet tërësisht.

Edhe pse të gjithë ëndërrojnë të punojnë nga komoditeti i shtëpisë tyre dhe të shijojnë njëkohësisht atmosferën familjare që shtëpia sjellë, në kohë si kjo, kur jemi detyruar të izolohemi për të ruajtur shëndetin tonë dhe të familjes, produktiviteti në punë nga shtëpia shumë shpejtë mund të zbehet dhe ju mund të humbni përqëndrimin në punë duke u përqendruar tek serialet, filmat apo programet televizive tuaja të preferuara.

Varësisht nëse jeni në një punë part time, full time në një punë si përkthyes nga shtëpia apo punë të profesioneve tjera, ju gjithmonë mund të organizoni punën tuaj dhe të bëni punë produktive nga shtëpia juaj.

Marrë parasysh këtë situatë, ja cilat janë gjërat që ju duhet të bëni për të pasur një ditë produktive në punë nga shtëpia.

1.  Gjej vend të përshtatshëm për të punuar

Nganjëherë mund të jetë e vështirë të distancoheni nga pjesëtarët tjerë të familjes, por ju duhet t’ia rikujtoni vetës se ju jeni në orar të punës dhe ju duhet që të ndjekni rutinën e zakonshme që keni ndjekur kur keni punuar në zyrë.

Ajo çfarë ju duhet në këto rastë është të gjeni një ambient apo dhomë më të ndriqueshme dhe të vendosni një tavolinë të vogël për të vendosur gjërat që ju duhen për në punë. Pra, laptop apo kompjuter varësisht cilën posedoni apo ndonjë mjet tjetër si letra ngjitëse, dritë tavoline dhe stilolaps.

2. Përdor aplikacione për komunikim në grup me kolegët

Komunikimi i përditshëm me kolegët apo shefin tuaj gjatë kësaj kohe është pika esenciale e suksesit tuaj. Është e rëndësishme të diskutoni punët ditore që keni përfunduar dhe të njoftoheni me punët që ju presin në ditët në vazhdim.

Disa kompani kanë aplikacionet ditore për komunikim kolegial. Nëse kompania ku ju punoni nuk e ka një të tillë ju mund të diskutoni me shefin  apo koleget për të percaktuar një aplikacion për komunikim të përbashkët ditorë.

Ne iu sygjerojmë këto platforma për komunikim:

• Skype

• Whatsapp

• Google hangouts

• Slack

• Asana

• Viber

3.  Krijoni një listë “to do” me punët ditore që duhet t’i kryeni

Krijimi i një liste “to do” është praktikë që duhet të aplikohet çdo herë jo vetëm në këtë kohë kur ju punoni nga shtëpia. Njerëzit që e praktikojnë krijimin e një liste të tillë tashmë e dinë se sa e rëndësishme është kjo listë.

Kjo listë do të ju ndihmojë të koncentroheni më shumë në punët që ju do të kryeni gjatë ditës duke e bërë kështu organizimin e punënve më të lehtë për ju. Kjo sepse ju do të keni mundësine t’i listoni punët nga ato me prioritet të lartë deri tek ato me prioritet më të ulët dhe të vendosni se cilën do ta kryeni të parën.

Një listë e tillë mund të krijohet në një fletë të zakonshme apo edhe në aplikacione online si Asana, që mundësojnë të njejtin proces. Pasi të kryeni punën që e keni në listë ju mund të vendosni shenjën tik pranë saj e cila do të shënojë këtë punë si të kompletuar.

Filloni të praktikoni krijimin e listës sot. Ju do të jeni më pak të stresuar, do të menaxhoni më mirë kohën si dhe do të këni më shumë kohë për veten se zakonisht.

4.   Menaxho kohën

Edhe pse nga shtëpia orari i punës është ai i zakonshmi. Varësisht nëse punoni part time apo full time ju duhet të menaxhoni kohën në mënyrë që orari të jetë fleksibil për ju gjatë periudhës që punoni nga shtëpia. Përqendrohuni tek puna dhe gjërat që duhet t’i përfundoni gjatë orarit të punës. Ndërsa për gjërat që kanë të bëjnë më shtëpië dhe familjen përfundojini pas orarit të punës.

5.  Vishuni

Mund të ju tingëllojë e quditshme por kjo është gjëja esenciale që ju duhet për të pasur një ditë produktive pune nga shtëpia. Nuk është e thënë që të visheni në mënyrë formale siç visheni çdo ditë për punë, mjafton të mos qëndroni në pizhame gjatë punës. Ideja e ndërrimit të rrobave në mëngjes iu bënë të ndiheni gati për të filluar ditën dhe ua rrit vetëbesimin gjatë orarit të punës.

E gjitha kjo bëhet për tu përgatitur mentalisht për punë. Kjo sepse gjatë kësaj periudhe ju duhet motivim më I fortë për të vazhduar përpara dhe të punoni në drejtim të ardhmërisë suaj nga një situatë e vështirë.

Prandaj, para se të filloni punën është mirë të zgjoheni një orë më heret të bëni një dush, të lani dhëmbët, të pini një kafe apo çaj dhe nësë është e nevojshme për vajzat, bëni edhe make up gjithashtu. Ku i dihet, mund të këni takime ditore përmes kamerës.

Gjatë kësaj periudhe të corona virusit, nganjëherë ju mund ta humbisni motivimin për punë. Ajo çfarë do të ju bëjë të vazhdoni është mendimi se ju dhe familja juaj jeni mirë dhe po merrni masat e nevojshme për parandalim të virusit.

Për këtë arsye, puna nga shtëpia është vendimi më i duhur që kompania juaj ka marrur gjatë kësaj periudhe. Qëndroni në shtepi, shpenzoni kohë kualitative dhe kujdesuni për shëndetin tuaj dhe të njëri tjetrit.

 

Në fillim