Si të përkujdeseni që vetura juaj të mos ngrijë gjatë dimrit

Si të përkujdeseni që vetura juaj të mos ngrijë gjatë dimrit

Shumica e veturave nuk funksionojnë si duhet gjatë dimrit. Probleme si: e gjithë vetura e mbuluar me borë, dritaret, fshesat e xhamit dhe dorezat e derës të ngrira, si dhe problemet e zakonshme gjatë largimit nga vendi i parkimit janë disa nga gjërat e zakonshme për të gjithë shoferët, veturat e të cilave kanë kaluar natën në ambient të hapur.

Nëse dëshironi që të shmangni mëngjeset e hershme duke copëtuar akullin në xhamin e veturës suaj, atëherë ju jeni në vendin e duhur. Këshillat tona do të ju ndihmojnë të përballoni problemet më të shpeshta që vetura juaj mund të ketë gjatë dimrit dhe do të ua lehtësojnë vozitjen në borë.

Ndiqni këto këshilla dhe menaxhoni problemet që shkaktohen nga temperaturat e ulëta:

1. Mbuloni xhamin e veturës me çarçaf të vjetër

Vozitja në dimër do të bëjë që dita juaj do të nisë me heqjen e borës nga xhamat e veturës tuaj. Ky është një proces i cili kërkon shumë kohë dhe mund. Dhe nëse ju jeni me nxitim për të shkuar në punë apo edhe për të kryer ndonjë obligim tuajin ditor, atëherë ju patjetër duhet të kaloni procesin e shkrirjes së xhamit.

Në mënyrë që të parandaloni ngrirjen e xhamit dhe të jeni të gatshëm për vozitje në mëngjes, atëherë ju duhet të kujdeseni për këtë më herët. Ajo çfarë ju duhet në këtë situatë është mbulimi i xhamit me çarçaf.

Pra, përdorni çarçaf, ujë dhe kripë. Përzijeni kripën me ujë dhe futni çarçafin në këtë përzierje. Pastaj vendoseni çarçafin e lëngët në xham, në mënyrë që ta mbulojë atë, dhe lëreni të qëndrojë gjatë gjithë natës. Kjo do të mbrojë xhamin e veturës nga ngrirja dhe ju nuk do të humbni kohën tuaj për ta shkrirë atë në mëngjes.

Si të përkujdeseni që vetura juaj të mos ngrijë gjatë dimrit

Ajo çfarë duhet evituar për shkrirje të xhamit, nëse ju vendosni të mos e përdorni këtë metodë është uji i nxehtë dhe paisjet prej çelçi apo metali. Dritaret mund të thyhen nëse ju hedhni ujë të nxehtë mbi to ndërsa nëse ju do të përdorni mjete të metalta për ta hequr akullin atëherë xhami i veturës mund të gërvishet. Prandaj mënyra më e mirë për ta hequr akullin në këto raste është të përdorni ndonjë karton të forte apo edhe përzierjen e uthullës me ujë për të lagur xhamin dhe shkrirë akullin në të.

2. Parkojeni veturën nga lindja

Kurdo që do të iu vije rasti ta parkoni veturën, sigurohuni që ajo të jetë e parkuar në drejtim të lindjes. Kjo do të bëjë që rrezet e para të diellit të mëngjesit të bien mbi veturë dhe të shkrijnë akullin në xhamin e saj. Me këtë metodë, ju do të mund të përdorni fshesat e xhamit për të fshirë akullin e shkrirë mbi xhamin e veturës suaj.

Parko veturën nga lindja

Ndërsa, nëse xhami i veturës suaj është i mbuluar edhe me borë, atëherë mënyra me e mire për ta pastruar atë është me anë të një brushe të butë. Sigurohuni që fokusi juaj të mos jetë vetëm në xhamin e parmë sepse ju duhet gjithashtu të pastroni edhe xhamin në pjesën e pasme, dritaret, pasqyrat dhe dritat në mënyrë që të keni pamje të qartë gjatë vozitjes.

3. Vendosni çorape në fshesat e xhamit

Kjo ide ju duket interesante, apo jo? Na lejoni të ju tregojmë se është shumë e dobishme gjithashtu.

Fshesat e xhamit kanë tendencë të ngrihen gjatë kohës kur temperaturat shënojnë ulje. Kjo sigurisht që do të ndikojë në përformancen e tyre dhe do të bëjë që procesi i pastrimit të xhamit përmes tyre të jetë i pa dobishëm. Prandaj, vendosja e çorapeve në fshesat e xhamit të makinës tuaj do t’i mbrojë ato nga ngrirja dhe ngjitja në xham. Ndërsa, nëse nuk keni kohë të mjaftueshme të vendosni çorapet në fshesa, atëherë e gjitha çfarë ju duhet të bëni është t’i ngritni lart në mënyrë që të mos qëndrojnë mbi xham dhe ngjiten në të.

Vendosni çorape në fshesat e xhamit

Një tjetër funksion të rëndësishëm që qorapet asistojnë të kryhet është shtyerja e makinës. Ju mund t’i mbathni ato mbi këpucë dhe shtyni makinën nëse ajo ka ngecur në bore. Çorapet sigurojnë që këmba juaj të mos rrëshqasë në borë. Gjë e cila ofron siguri gjatë shtyerjes së makinës në rrugë me akull dhe borë.

Të tjera mënyra që do të ndihmojnë për shkrierjen e veturës suaj

Mbuloni pasqyret anësore të veturës me qese të plastikës. Për të parandaluar formësimin e akullit në pasqyret anësore, mbulojini ato me një qese të plastikës. Kjo do të bëjë që ato të avullohen dhe të mos formojnë akull gjatë natës.

Ngrohni çelësin me shkrepëse për të shkrirë akullin në dorezën e derës.

Lyeni cilindrin rreth dyerve me yndyrë. Yndyrna siç janë: vazelina, glicerina apo vaj i zakonshëm që përdoret për ushqim do të bëjë që dyert të mos ngrihen gjatë natës.

Pra, këto janë këshillat që ju duhet t'i konsideroni kur të hasni në vështirësitë që i hasim gjatë dimrit në veturë. Nëse nuk i keni paisjet e duhura të cilat ju duhen për përdorim gjatë të tilla situatave, vizitoni MerrJep.com dhe gjeni çfarë ju duhet.

 

 

 

 

 

 

 

 

Në fillim