Te merrni apartament me qera apo te bleni?

Të merrni apartament me qera apo të bleni - Cili është opsioni më i mirë për ju?

Vendi se ku ju jetoni ndikon shumë në vazhdimësinë e jetës suaj. Marrja me qera apo blerja e apartamentit është vendim shumë i rëndësishëm dhe të dyja këto vendime pasqyrohen me avantazhet dhe disavantazhet e tyre. Vendimi që ju do të merrni nuk ndikon vetëm se sa para do të ju mbesin në fund të muajit por gjithashtu edhe në stilin e jetesës dhe shumën e kursimeve gjatë viteve.

Dita e ditës njerëzit blejnë shtëpi apo apartament edhe pse financiarisht atyre do të iu përshtatej t’i merrnin ato me qera. Kjo sepse ata e shohin më të arsyeshme të kenë një vend të sigurt ku mund të jetojnë dhe e shohin atë si një investim të rëndësishëm me mundësi rritjeje. Megjithatë ka edhe të tjerë që preferojnë të marrin apartament apo shtëpi me qera shkaku i përgjegjësive të pakta që vijnë me të.

Para se të merrni një vendim se me cilin opsion të shkoni, konsideroni avantazhet dhe disavantazhet që do të paraqesim më poshtë.

1. Apartament me qera

Marrja me qera e një apartamenti iu mundëson të zhvendoseni pa asnjë pengesë kur qeraja të përfundojë. Por e meta e banimit në apartamente apo shtëpi me qera është se pronari mund të ju largojë nga banesa pa paralajmërim në momentin që gjen blerës potencial të banesës.

Familjet e vogla janë ato që në të shumtën e rasteve vendosin të marrin apartamente me qera dhe të presin deri sa familja e tyre të rritet në mënyrë që pastaj të blejnë apartament në vend se të vazhdojnë të jetojnë me qera.

Kur ju jetoni në një apartament me qera shpenzimet mujore janë më të larta sepse përveç faturave mujore ju duhet të paguani edhe shumën e duhur për qeranë e apartamentit. Prandaj nëse ju vendosni të jetoni me qera apo jo mbetet zgjedhje e juaj dhe varet se sa ju paguheni dhe si i kalkuloni shpenzimet mujore.

2. Apartament i blerë

Blerja e apartamentit sjell shumë përfitime. Duke filluar nga stabiliteti, përkatesia e një komuniteti dhe pronësia qe ju fitoni mbi atë apartament.

Në shumicën e rasteve njerëzit mund të mendojnë se blerja e një apartamenti është më e kushtueshme sesa marrja me qera e tij por ajo qfarë ju duhet të dini është se realisht pagesa e qerasë është më e kushtueshme se blerja e një apartamenti. Kjo sepse përderisa ju paguani qeranë për çdo muaj dhe ato para nuk ia kushtoni procesit së blerjes së shtëpisë, ju po e ndihmoni pronarin e apartamentit të përfitojë nga ju ndërsa po ia largoni vetes mundësinë t’i përdorni ato para për blerjen e apartamentit tuaj.

3. Apartament i blerë apo me qera? Avantazhet dhe disavantazhet

1. Apartament i blerë

Para se të vendosni të bleni një apartament është shumë e rëndësishme të konsideroni se si kjo blerje do të ndikojë në financat tuaja dhe vazhdimësinë e jetës. Prandaj, analizoni këto avantazhe dhe disvantazhe të cilat do t’i paraqesim më poshtë dhe shikoni nëse jeni i gatshëm të bëheni zot shtëpie.

Avantazhet

• Stabilitet      

• Mundëson rritjen e pasurisë

• Privatësi

• Riparim apo rimodelim i apartamentit kurdo që ju mendoni që është e nevojshme

• Nuk keni nevojë të kërkoni leje nga askush

Vendimet për apartamentin i merrni ju

• Keni pronësi të plotë

Disavantazhet

• Ju duhet të riparoni çdo prishje që bëhet në shtëpi

• Nuk mund ta ndërroni vendbanimin shpesh

• Do të jetë më e vështirë ta shisni apartamentin nëse ju doni

• Shpenzime të shtuara për riparim, rimodelim dhe takes të apartamentit

2. Apartament me qera

Marrja e një apartamenti me qera mund të kosniderohet si një vendim i favorshëm për shumicën prej nesh por ka edhe vështirësi dhe të meta gjithashtu. Varësisht se si është situata juaj financiale dhe si ju e planifikoni stilin e jetesës këto janë gjërat që ju duhet t’i konsideroni para se të merrni këtë vendim.

Avantazhet

• Nuk jeni përgjegjës për të riparuar dëmet

• Mund të ndërroni lokacion sa herë që ju doni

Nuk keni nevojë të brengoseni për vlerën e shitjes së apartamentit

• Nuk paguani taksë banimi

• Apartamenti është i mobiluar dhe gati për banim

Disavantazhet

Nuk përfitoni asgjë nga investimi që bëni në apartament

• Pagesa mujore që ju bëni shkon në benefit të qeramarrësit

• Qeramarrësi mund të vendosë të shes banesën në një moment të papërshtatshëm për ju.

 • Qeramarrësi mund të ngrisë çmimin e banimit.

 • Do të ju duhet të jetoni vazhdimisht në lëvizje

Pasi t’I konsideroni të gjitha këto pika që u diskutuan më lartë vendimi që ju do të merrni do të mbështetet në atë se çfarë është më e përshtatshme për ju dhe familjen tuaj.

Banimi me qera ofron mundësi të zhvendoseni më e lehtë gjatë eksperiencave të ndryshme jetësore që ju mund të keni si shkollimi dhe puna ndërsa pronësimi i apartamentit iu ofron mundësinë të keni banim të përhershëm dhe të investoni. Të dyja opsionet i kan të mirat dhe të metat e tyre, por varet nga ju se cilin opsion ju do zgjedhni.

Varësisht nëse ju dëshironi të bleni apartament apo të merrni me qera, ne iu ofron opsione të shumta zgjedhjeje. Prandaj, vizitoni MerrJep.com dhe shqyrtoni mundësitë që ne iu ofrojmë.

 

 

 

 

 

 

 

 

 

 

Në fillim