Top 3 vendet që duhet vizituar gjatë dimrit në Kosovë

Top 3 vendet që duhen vizituar gjatë dimrit në Kosovë

 

Në malet e Kosovës ka filluar të bie bora e parë, e bashkë me të është shtuar edhe dëshira për të eksploruar natyrën e mbuluar nga bora e bardhë.

Edhe pse turizmi dimëror është një traditë e cila ka filluar të zhvillohet në kohët e fundit në Kosovë, ai ka filluar te ketë rritje të vazhdueshme, dhe tashme është shëndrruar edhe në traditë dimërore.

Mundësit që Kosova ofron gjatë stinës së dimrit janë të shumta, mjafton ta keni dëshirën për ti eksploruar ato.

Kosova është e pasur me shumë bukuri natyrore, duke filluar nga liqejt, ujëvarat e deri tek malet të cilat nuk janë më atraksione që vizitohen vetëm në sezonin veror pasi që qytetarët e Kosovës kanë një interes të jashtëzakonshëm për turizmin dimëror të cilin e ofron vendi ynë.

Nëse ende nuk keni vendosur se ku do ti kaloni pushimet dimërore, këto janë tri vendet më të bukura për tu vizituar gjatë dimrit në Kosovë.

Boge

Në një lartësi mbidetare rreth 1,500 metra në rajonin e Rugovës së Pejës, fshati Bogë është atraksioni më i madh turistik gjatë stinës së dimrit në Kosovë.

Boga të ofron shumë mundësi për të kaluar ditë të mrekullueshme aty. Duke filluar nga shtëpizat e shumta të veshura nga druri të vendosura në rrafsh dhe në bjeshkë të Bogës.

Boge

Boge, Kosovë

Skaj shtëpizave ndodhet edhe shtegu per skijim i cili mund të shfrytëzohet për skijim nga të rriturit dhe fëmijët.

E cilesuar si vendlindja e skitarisë Kosovare, Boga gjithashtu ofron mundësinë për të ndjekur trajnime në shkollat për skijim për të gjithë ata që dëshirojnë të fillojnë skijimin.

Por nëse ju nuk jeni nga ata që e preferojnë skijimin, Boga iu ofron mundësinë të eksploroni natyrën e saj me anë të teleferikut i cili ka gjatësi deri në 1000 metra. Pamja që do të shihni nga teleferiku është magjepëse. Ju mund të shihni borën e pa prekur, pishat e larta dhe bjeshkët e Rugoves si në pëllëmbë të dorës.

Në pjesën e poshtme të Bogës ndodhen restaurantet të cilat ju mund ti frekuentoni për të kaluar kohë të paharrueshme me shoqërinë tuaj gjatë kohës së darkës. Duke e përmbyllur kështu një ditë tëmrekullueshme dhe me shumë aktivitete në Bogë.

Brezovica

E njohur si qendra më e madhe e skijimit në Kosove, Brezovica, shtrihet në pjesën verilindore të Maleve të Sharrit ne 2.5000 metra lartësi mbi nivelin e detit.

Brezovica është një fshat me pamje piktoreske e cila ofron aktivitete te shumta për adhuruesit e sporteve dimërore.

Numri i pushuesve të cilët vizitojnë Brezovicën është shumë i madh, sidomos gjatë vikendit ku të gjithë dëshirojmë të largohemi nga qytetet dhe të shijojmë zonat malore që ofron Kosova.

Brezovica

Brezovicë, Kosovë

Të gjithë mund të gjejmë atë çfarë kërkojmë në Brezovicë.

Duke filluar nga akomodimi që mund të bëhet në villa të cilat ofrohen me qera për pushuesit deri tek zhvillimi i sporteve dimërore.

Kompleksi sportiv i Brezovicës ofron shtigje të gjera të skijimit duke përfshirë kështu edhe një sistem i cili përbëhet prej katër teleferikëve dhe tre ski-liftave që janë të lidhura me 16 kilometra pistë skijimi.

Pistat janë të gjera dhe me struktura të ndryshme. Duke filluar nga pista e quajtur “Livadhi i Madh” e cila frekuentohet nga skitarë profesionistë, fillestarë dhe fëmijë, deri tek pistat e vështira si “Qafa e Shqiponjës” dhe “Qafa e Luanit” të cilat frekuentohen vetëm nga skitarë profesionistë dhe adhurues të sporteve ekstreme.

Për të arritur deri tek pistat e skijimit ju duhet të përdorni teleferikun dhe ski-liftat të cilët janë të disponueshme që nga ora 09:00 e mëngjesit.

Pamjet e Maleve të Sharrit që ofron teleferiku janë magjepësese. Drunjët e gjatë dhe rrezet e diellit që bien mbi borë duke krijuar kështu shkëlqim vezullues të borës, do të jenë disa nga pamjet që do ju mbesin gjatë në kujtesën tuaj.

 

Prevalla

Prevalla është fshat turisik i cili më së shumti frekuentohet gjatë stinës së dimrit. Prevalla e cila është e vendosur në Malet e Sharrit, ndodhet 28 kilometra larg Prizrenit, dhe shtrihet në një lartësi prej 1800 metra mbi nivelin e detit.

Për pushuesit, Prevalla ofron qendër skijimi e cila është e përshtatshme për të zhvilluar sportet dimërore. Prevalla është vendi ideal për skitarë profesionist. Por mbi të gjitha, për ata fillestar. Pozita e përshtatshëme që Prevalla ka, u jep mundësi skitarëve fillestar të përvetësojnë aftësi perfekte në skijim.

Prevalla

Prevalla, Kosovë

Për vizitorët që duan të eksplorojnë Prevallën duke ecur, perveç shtegut te skijimit egziston edhe shtegu i ecjes në borë. Gjatë ecjes, ju do të hasni në lumenjtë “Lumbardhi” dhe “Lepenci” të cilët  rrjedhin në territorin e Prevallës. Lumenjë këta që e bëjnë edhe më të bukur eksperiencën tuaj në këtë fshat turistik.

Pasi të keni përfunduar eksplorimin e Prevallës, është koha të ktheheni në pjesën e rrafshët të fshatit ku gjenden edhe restaurante të ndryshme të cilat shërbejnë ushqime të përgaditura nga përbërësit natyral që kultivohen në fshat.

Këto janë tri vendet të cilat e bëjnë Kosovën edhe më të bukur. Vizitoni ato. Por pasi që këto nuk janë vende te zakonshme, fillimisht sigurohuni që ti keni paisjet e duhura me vete. Paisje siç janë gomat e makinës, veshjet e borës dhe paisjet për skijim, do iu duhen për të bërë aktivitet e sportit dimëror. Të gjitha këto mund ti gjeni në Merrjep.com.

 

 

 

 

Në fillim