Si të krijoni llogari në MerrJep

Keni gjëra që ju nevojiten apo dëshironi të shisni, por nuk dini se si ta bëni atë? Mendoj se u erdhi fundi të gjitha dilemave tuaja. Më poshtë ju mund t’i shihni hapat që duhet ndjekur për të hapur llogari në MerrJep në mënyrë që ju t’i postoni shpalljet tuaja.

Krijimi i llogarisë në MerrJep.com është falas.

Llojet e llogarive që ju mund t’i hapni në MerrJep janë:

 • Llogaria si reklamues privatë

 • Llogaria shitorja

Si të krijoni llogari në MerrJep

Krijimi i llogarisë bëhet falas duke klikuar tek opsioni “Postoni shpallje FALAS” në faqen kryesore të uebsajtit.

Opsioni "Postoni shpallje FALAS"

Pasi të keni klikuar tek butoni “Postoni shpallje falas” do të iu hapet një dritare e re në të cilën do të ju kërkohet të kyçeni, krijoni llogari apo të krijoni shpallje.

Opsionet e listuara gjatë krijimit të llogarisë

Opsioni “Kyçuni” iu mundëson të kyçeni në llogarinë e MerrJep duke përdorur e-mailin tuaj apo fjalëkalimin nëse tashmë llogaria juaj është e egzistuese. Ndërsa nëse nuk keni llogari aktive në MerrJep.com, atëherë, opsioni “Krijoni llogari” iu mundëson që të hapni llogari falas dhe të bëheni pjesë e MerrJep.com. 

Duke klikuar “Krijoni llogari” ju tashmë do të drejtoheni tek formulari që duhet plotësuar me informacione personale në mënyrë që të hapni llogarinë. Aty do të u kërkohet që të zgjedhni llojin e llogarisë që do të hapni. Pra, nëse dëshironi që të vazhdoni si reklamues privat apo të hapni shitore.

Si të hapim një llogari të Reklamuesit Privatë

Siç e kemi cekur edhe më lartë, llogaria hapet duke klikuar tek opsioni “Krijoni llogari” ose klikoni këtu për ta hapur atë direkt.

Pasi të keni klikuar tek butoni “Krijoni llogari” do të ju hapet një faqe e re, ku do të keni një formular, i cili duhet plotësuar me të dhënat tuaja personale.

 

Llogaria si "Reklamues Privatë" apo si "Shitore"

Pra, kjo është faqja që ju do të shihni pasi të klikoni “Krijoni llogari”. Siç e shihni këtu janë dy opsione: Krijimi i llogarisë si “Reklamues Privatë” dhe “Shitorja”.

Klikoni këtu për hapjen e llogarisë si reklamues privatë..

Më poshtë do të keni një formular me të dhëna personale të cilin duhet ta plotësoni në mënyrë që lloaria të jetë aktive.

Të dhënat që duhet t’i plotësoni tek formulari për llogari private janë: 

Plotësimi i formularit për krijimin e llogarisë si reklamues privatë

• Emri

Këtu ju duhet të shënoni emrin dhe mbiemrin tuaj. Kjo është e nevojshme sepse llogaria do të jetë e juaja dhe ju do ta përdorni atë sa here që do të postoni shpallje në MerrJep. Prandaj sigurohuni që emri të jetë i përshtatshëm dhe real sepse ky do të jetë emri i llogarisë tuaj.

•   E-maili

E-maili gjithashtu duhet të jetë valid. Kjo sepse të interesuarit për shpalljen tuaj do të ju kontaktojnë në email për produktet që ju do të shisni. Sigurohuni që të keni një email valid ku do të ju vinë të gjitha njoftimet për të interesuarit e shpalljes suaj.

• Telefoni

Numri kontaktues duhet të jetë numri të cilin ju e përdorni në përditshmëri. Pasi të postoni shpalljen ju do të merrni shumë telefonata nga vizitorë të interesuar të cilët kanë pare shpalljen tuaj në MerrJep.

•   Viber

•     Skype

•       Whatsapp

Nëse përdorni platformat për komunikim online si viber, skype apo whatsapp, plotësoni ato me numrat dhe adresën përkatëse. Tashmë shumica e profileve private janë të regjistruar edhe në këto platforma për të komunikuar me të interesuarit pa shpenzime dhe në kohë reale.

• Adresa

• Kodi postar

• Komuna

Tek adresa ju duhet të shënoni emrin që përmban rruga në të cilën ju jetoni, kodin postar dhe komunën. Ky është informacion shtesë por shumë i rëndësishëm i llogarisë tuaj. Kjo sepse kur ju të postoni shpallje në adresën apo komunën e caktuar, njerëzit që janë duke kërkuar produkte të ngjajshme me të juajat në po atë komunë, do të shohin shpalljen tuaj.

 • Fjalëkalimi

Fjalëkalimi është siguria që ju i ofroni llogarisë suaj. Sigurohuni që të vendosni një fjalëkalim që e dini vetëm ju dhe që është i kuptueshëm. Ju duhet ta mbani mend atë sepse më këtë fjalëkalim ju do të hyni në llogarinë tuaj sa here që keni nevojë.

Pasi të keni plotësuar të gjitha të dhënat e kërkuara, klikoni butonin “Krijoni Llogari” i cili gjendet në fund të faqes. Pasi të keni klikuar tek butoni, ju do të informoheni se llogaria juaj në MerrJep është gati me anë të këtij teksti:

MerrJep llogaria është gati!

Në e-mail adresën tuaj është dërguar mesazh si vërtetim. Kliko në linkun e mesazhit për ta aktivizuar llogarinë tuaj

Kyçuni

Tani është koha të kyçeni në e-mail adresën tuaj dhe të klikoni në linkun që ua kemi dërguar për të aktivizuar llogarinë.

Nëse emailin që ju kemi dërguar nuk mund ta gjeni në Inbox, atëherë, ju duhet të shikoni gjithashtu edhe tek follderi Spam ose Junk.

Ju mund gjithashtu të klikoni këtu që të kyçeni në llogarinë tuaj me të njejtin e-mail adresë dhe fjalëkalim që keni përdorur për të krijuar llogarinë.

Kyçja në llogarinë tuaj

Tashmë e gjitha çfarë ju duhet është që të kyçeni në llogarinë tuaj tek hapësira për e-mail dhe fjalëkalim (shih foton më lartë), dhe jeni gati për të shijuar eksperiencën tuaj të suksesshme në MerrJep.com. 

     2.   Si të hapim llogarinë “Shitorja”

Hapja e llogarisë “Shitorja” bëhet duke klikuar opsionin “Shitorja”, apo duke klikuar këtu.

Pasi të keni klikuar opsionin “Shitorja” do të iu shfaqet formulari për regjistrim, të cilin duhet ta plotësoni me informata të sakta rreth kompanisë suaj.

Të dhënat që duhet t’i plotësoni tek formulari për hapjen e llogarisë shitorja janë:

Plotësimi i formularit për llogarinë shitorja

• Emri i Kompanisë 

•  E-mail

•  Telefoni

• Viber

 • Skype

• Whatsapp

Informatat rreth kompanisë suaj si emri, e-maili, telefoni dhe platformat e komunikimit online siç janë viber, skype dhe whatsapp duhet të jenë të listuara në informacionet për kompaninë tuaj.

Emri duhet të jetë i njejti me të cilin jeni të regjistruar si biznes. E-maili dhe telefoni duhen të jenë valide dhe adekuate. Pra, shënoni ato në mënyrë të saktë sepse të gjithë të interesuarit do të komunikojnë me ju përmes tyre.

•  Sllogan

• Kategoria

• Përshkrimi

Këtu ju duhet të vendosni slloganin që kompania juaj përdorë. Pas slloganit ju duhet të zgjedhni kategorinë në të cilën bënë pjesë kompania juaj si dhe një përshkrim të shkurtër rreth kompanisë dhe aktivitetit tuaj.

Plotësimi i formularit për llogarinë shitorja

•    Logoja

• Fotoja fillestare

Në këtë hapësirë ju duhet të ngarkoni logon e kompanisë tuaj. Pra, atë që tashmë ju po e përdorni për prezantimin e kompanisë tuaj. Ndërsa tek fotoja fillestare, ju mund të fotografoni objektin e kompanisë tuaj, në mënyrë që vizitori të ketë një informacion të përgjithshëm rreth kompanisë suaj.

• Adresa

• Kodi Postar

Këtu ju duhet të shënoni adresën e saktë se ku gjendet kompania juaj. Mund të ketë klientë që dëshirojnë që t’iu vizitojnë personalisht për blerjen e produktit. Prandaj, duhet ta keni parasysh që t’i shënoni të gjitha informatat për të cilat klienti do të ketë nevojë për të arritur tek ju. Gjithashtu ju duhet të përfshini edhe kodin postar të qytetit në të cilin ju gjendeni.

•  Linku

•   Komuna

 •  Fjalëkalimi

Është shumë e rëndësishme që të vendosni linkun e uebsajtit apo ndonjë rrjeti tjetër social ku bënë pjesë kompania juaj. Kjo do të tregojë se ju po përdorni të gjitha platformat online për të arritur më lehtë tek klientët tuaj. Pasi ta keni përfshirë linkun e kompanisë tuaj në formular, tashmë është koha ta shënoni komunën në të cilën kompania juaj gjendet.

Fjalëkalimi duhet të përmbajë së paku 8 karaktere. Sigurohuni që fjalëkalimi juaj të jetë i kuptueshëm dhe ta mbani mend atë sepse ky është fjalëkalimi të cilën duhet ta përdorni për tu kyçur në llogarinë tuaj.

Pasi t’i plotësoni të dhënat e kompanisë ju duhet të klikoni tek butoni “Regjistrohuni”. Pasi të klikoni butonin, do të ju hapet një faqe e re ku do të keni informatën se llogaria juaj është hapur dhe se ju duhet të shikoni e-mailin tuaj për vërtetim.

Teksti që do të shihni:

MerrJep llogaria është gati!

Në e-mail adresën tuaj është dërguar mesazh si vërtetim. Kliko në linkun e mesazhit për ta aktivizuar llogarinë tuaj.

Kyçuni

Nëse nuk e keni e-mailin në Inbox sigurohuni që të kontrolloni follderët Junk dhe Spam në e-mail. Ky email i dërguar nga MerrJep, do të u kërkojë të klikoni tek linku për konfirmim, i cili do të ju dërgojë tek faqja kryesore e MerrJep.com. Aty ju do të keni mundësinë që të kyçeni në llogarinë tuaj me të njejtën e-mail adresë dhe fjalëkalim që keni përdorur për të krijuar llogarinë.

Ju mund gjithashtu të klikoni këtu për tu kyçur në llogarinë tuaj të sapo hapur.

Llogaria juaj në MerrJep

Benefitet e llogarisë Reklamues Privatë dhe llogarisë Shitorja.

1. Reklamuesi privat

·   Postimi i shpalljeve të ndryshme të gjërave të cilat doni t’i shisni apo t’i bleni.

· Shikoni se sa herë është vizituar shpallja juaj.

·   Rinovoni, shtoni fotografi,ndryshoni tekstin etj.

·   Menaxhoni, modifikoni apo edhe fshini shpalljet e juaja personalisht.

2. Shitorja

· Profil të kompanisë. 

· Listim tek faqja “Shitore”. 

· Listimi i të gjitha produkteve në një faqe. 

· Shikim i detajizuar i transaksioneve tuaja.

·  Mundësi për llogari kreditore.

· Menaxhoni llogarinë tuaj me email.

· Të gjitha shpalljet tuaja do të kenë link aktiv nga faqja.

·  Krijoni baner kampanja lokale, dhe tërhiq konsumatorë duke shitur prodhime për të ciliët ata janë të interesuar.

Krijimi i llogarive në MerrJep.com ka për qëllim rritjen e biznesit tuaj apo edhe shitjen dhe blerjen e gjërave që ju doni.

Shfrytëzojeni këtë mundësi dhe ndihmë që MerrJep.com ju ofron ju dhe biznesit tuaj. Për më shumë informata rreth krijimit të llogarive tuaja në MerrJep.com, klikoni këtu dhe kontaktoni me qendrën për kujdesin ndaj konsumatorëve.