10 Gjërat që duhet t’i bëni nëse përfshiheni në një aksident trafiku

Pavarësisht se çfarë lloj shoferi jeni, në një moment apo tjetër do të përfshiheni në një aksident trafiku. Mund të jetë një aksident i vogël në skajin e rrugës, ose mund të jetë diçka shumë më serioze. 

Gjëja e fundit që çdo shofer dëshiron është të përfshihet në një aksident. Aksidentet mund t’ju ​​kushtojnë jetën dhe mund të shkatërrojnë jetën e të tjerëve. Ato gjithashtu mund të shkaktojnë dëme serioze në automjetin tuaj dhe t'ju lënë me shpenzime të papritura. 

Pavarësisht nëse jeni viktimë e një aksidenti automobilistik apo të shkaktuar, është e rëndësishme të merrni masa menjëherë. Këtu janë disa këshilla se çfarë të bëni në rast të një aksidenti automobilistik

     1. Ndaluni në vendin e ngjarjes 

Pavarësisht nëse jeni pjesë e një aksidenti minor, madhor, me dëme materiale, apo jo, gjithmone duhet te ndaleni në vendin e aksidentit dhe jo te largoheni nga aty sikur mos te kishte ndodhur asgjë.

     2. Mbroni skenën e aksidentit

Ju duhet të bëni përgatitjen e nevojshme për të parandaluar aksidentet e mëtejme duke vendosur trekëndëshin apo duke mbajtur 4 drejtuesit ndezur. Nëse është errësirë dhe nuk ka dritë të mjaftueshme, ne ju rekomandojmë të dizni një bateri dore apo blicin e telefonit tuaj për t’ju mbajtur të sigurt derisa prisni në veturën e dëmtuar në rrugë.

     3. Telefononi Policinë

Pas aksidentit, ju duhet të telefononi menjëherë policinë në numrin 192 për të raportuar aksidentin, e sidomos nëse ka persona me lëndime serioze si pasojë e aksidentit duke u siguruar që makina juaj apo makinat e tjera të përfshira në aksident të qëndrojnë aty ku janë, pa lëvizur.

Pasi policia të arrijë në vendin e ngjarjes, një oficer policie do të jetë në gjendje të shkruaj një raport duke indentifikuar palët e përfshira në aksident si dhe të dokumentojë se si ka ndodhur aksidenti. 

Ky raport plotësohet në vendin e ngjarjes në mënyrë që pala tjetër të mos përpiqet të ndryshojë dëshminë dhe rrethanat që quan deri tek aksidenti. Përveç kësaj, raporti i policisë ju duhet edhe si dëshmi për të paraqitur kërkesën e mbulimit të dëmeve të aksidentit tek kompania juaj e sigurimeve. 

     4. Tregoni detajet e aksidentit në tërësi

Gjatë përpilimit të raportit, sigurohuni që t’i tregoni oficerit saktësisht se si ka ndodhur aksidenti. Nëse nuk dini t’i shpjegoni detajet e kërkuar, tregoni atij/asaj që nuk e mbani mend. Mos spekuloni, hamendësoni ose deklaroni gabimisht detajet e pyetjeve që ju bëhen. 

Ndërsa, nëse pyeteni për lëndime trupore dhe nuk ndjeni dhimbje, thoni se nuk jeni i sigurt nëse keni pësuar ndonjë lëndim, pasi shpesh herë  dhimbja dhe dëmtimet nga aksidentet e trafikut shfaqen disa orë pas përplasjes.

    5. Shkëmbeni informatat personale me palën tjetër

Nëse në aksident është i përfshirë edhe pala e tjetër, ju duhet të shkëmbeni informatat personale përfshirë emrin, mbiemrin, numrin kontaktues dhe adresën në mënyrë që të evitoni keq menaxhimin nëse çështja juaj nuk zgjidhet në mënyrë miqësore dhe ju duhet të paraqisni denoncim në polici.

Informatat që duhet t’i mbledhni rreth veturës me të cilën jeni aksidentuar:

     • Brendi i veturës, modeli, ngjyra dhe viti i prodhimit

      • Dokumentat e regjistrimit të veturërs

      • Targat e veturës

Detajet rreth vendit ku jeni aksidentuar:

      • Data dhe koha e aksidentit

      • Adresa

      • Në cilën rrugë po shkonit

      • Në cilën rrugë po shkonte veura tjetër

6. Bëni fotografi 

Nëse keni dëmtime të dukshme të veturës, ne ju sugjerojmë të bëni fotografi të automjeteve të përfshira në aksident që tregojnë zonën e dëmtimit dhe vendndodhjen e automjeteve pasi përplasjes. Sidoqoftë, duhet të keni parasysh që në asnjë mënyrë nuk duhet të ndërhyni në hetimin e ngjarjes nga policia. 

Fotografitë mund t’i ruani si dëshmi në rast se fajtori i aksidentit nuk mund të vendoset në vendin e ngjarjes dhe çështja shkon në gjykatë.

7. Merrni kujdes mjekësor nëse jeni i lënduar

Nëse ju, pasagjeri apo shoferi i veturës tjetër jeni lënduar, ju duhet të merrni kujdes mjekësor në qendrën më të afërt të mjekësisë familjare të qytetit në të cilin ndodheni. Pas kontrollës, ju duhet të siguroheni që jeni mirë me shëndet dhe nuk keni pësuar dëmtime dhe pastaj ju mund të merrni raportin mjekësor nëse vendosni të bëni padi kundër shoferit tjetër.

8. Kontaktoni kompaninë e sigurimeve

Shumica e kompanive të sigurimeve kërkojnë raportim të menjëhershëm dhe bashkëpunim të plotë. Për këtë arsye ju duhet të njoftoni kompaninë tuaj të sigurimeve për aksidentin dhe gjendjen momentale të veturës.

9. Merrni asistencë rrugore

Nëse vetura juaj nuk mund të drejtohet pas aksidentit, ne ju sugjerojmë të kërkoni kompani që kryejnë autobartje për ta larguar veturen nga vendi i aksidentit. Nëse jeni duke kërkuar për kompani që kryejnë autobartje të automjeteve, ju mund t’i gjeni ato duke kërkuar në kategorinë shërbime të MerrJep.com.

10. Konsultohuni me avokatin tuaj

Nëse ju jeni fajtor apo nëse nuk keni pasur ndonjë aksident më parë dhe nuk jeni i sigurt se si të procedoni me një padi për dëmtim të pronës, atëherë ju duhet të kontaktoni një avokat i cili do t’ju ndihmojë në çështjen e padisë. Kërkoni për ndonjë avokat i cili ka përvojë në udhëheqjen e palëve për rastet e kundërvajtjeve dhe pyesni atë se si të procedoni tutje me padinë. 

Nëse aksidenti ka shkaktuar dëme minimal dhe nuk ka shkaktuar pasoja në lëndime trupore, ju mund t’a zgjidhni çështjen në mënyrë miqësore, pa pasur nevojë të ngrini padi ndaj shoferit tjetër. 

Drejtimi i makinës është një nga aktivitetet më të rrezikshme sot. Nëse jeni shofer, mund të aksidentoheni në çdo kohë. Është e rëndësishme të përgatiteni për skenarin më të keq të mundshëm në mënyrë që të siguroni sigurinë dhe mbijetesën tuaj.

Kur jeni i përfshirë në një aksident, gjëja më e mirë që mund të bëni është të qëndroni të qetë dhe të merrni disa momente për të vlerësuar situatën. Mos harroni: në shumicën e rasteve, siguria juaj dhe e pasagjerëve tuaj është më e rëndësishme sesa dëmi material i shkaktuar ndaj automjetit tuaj. Nëse ka lëndime të rënda, ju duhet të telefononi për shërbime të urgjencës - nëse ka thjesht dëme, hapa e cekur më lartë do t’ju ndihmojnë për të trajtuar pasojat e një aksidenti automobilistik.