Çfarë duhet të kemi parasysh kur duam të blejmë një biznes egzistues?

Blerja e një biznesi egzistues mund të jetë një vendim fantastik, nëse bëhet si duhet. Në një ekonomi të trazuar, është më lehtë të blesh një biznes egzistues, më lirë si dhe me risk më të vogël. Sidoçoftë, janë disa gjëra që duhet ti keni parasysh para se të bleni një biznes aktual.

Mendoni për klientelën

Para se të vendosni të blini një biznes aktual, bëni një analizë të klientelës duke shqyrtuar faktorët si: baza e konsumatorëve, rritja e shitjeve, stafi adekuat, procedurat në aplikim dhe më e rëndësishmja, qarkullimi pozitiv i parasë së gatshme.

Inspektoni pasqyrat financiare

Pasqyrat financiare mund të jenë një pune e mundimshme dhe e mërzitshme, por ju duhet ta keni të qartë se çfarë biznesi po blini. Nëse keni qasje në të dhënat financiare, atëherë mund të keni mundësinë të shikoni vlerën reale të biznesit që ju dëshironi të blini.

Inventari dhe pajisjet

Mjetet dhe inventari i kompanisë janë aspekte vitale për kryerjen e punëve operative (ditore). Inspektoni me vëmendje nësë biznesi që dëshironi të blini plotëson nevojat bazike të inventarit dhe pajisjeve. Ju mund të negocioni vlerën e inventarit me pronarin e biznesit nësë mendoni se vlerësimi nuk është real. Kështu, ju mund të merrni një zbritje në çmimin total.

Lokacioni

Një ndër aspektet më kryesore, dhe ndoshta më kryesori është lokacioni i biznesit. Varësisht se çfarë shërbimesh apo produktesh do ofroni, ju duhet të keni një lokacion që përmbush këto kushte:

  • A është një lokacion lehtë i çasshëm nga konsumatorët?

  • A ka levizje të mjaftueshme të njerëzve në atë zone?

  • Sa gjatë ka qenë biznesi i vendosur aty?

  • A ka vend për parkim?

Pasi të keni shqyrtuar gjithë këto aspekte, ju do të mund të vini në një përfundim se a duhet të blini një biznes aktual, apo të investoni në një sipërmarrje të re.

Në fillim