iPhone apo Samsung-Cila marke eshte me e mire?

iPhone apo Samsung-Cila markë është më e mirë?

Telefonat e markës Apple dhe Samsung mbajnë primatin e telefonave më të shitur viteve të fundit. Që nga lansimi, këto dy marka kanë prodhuar modele të shumta të telefonave kualitativ dhe me ndryshime të shumta nga modeli në model.

Nëse jeni duke kërkuar për një smartphone të modeleve të fundit, padyshim që mendja do ju shkojë tek iPhone apo Samsung. Por cili prej këtyre modeleve do të iu përshtatej më shumë? Këta janë modele të ndryshme të telefonave. Të dy kanë avatazhet dhe disavatazhet e tye, prandaj përdoruesit duhet të zgjedhin se cili prej tyre i përshtatet më shumë.

Për tua bërë më të lehtë zgjedhjen tuaj, më poshtë do të shihni vetitë që I bëjnë të dallojnë mes vete këto marka të telefonave.

Dizajni

Telefonat e markës Apple kanë ndryshuar shumë që nga lansimi i modeleve të para të iPhone. Ndryshe prej modelit të parë I cili ishte i bazuar në palstikë modelet e reja të iPhone tashmë e kanë gjithë sipërfaqen e një modeli të xhamit të butë që lidh pjesën e përparme me atë të pasme.

Një tjetër detaj që ia vlenë të theksohet është se tashmë që nga iPhone X, Apple ka vendosur që të heqë “home button” i cili gjendej në fund të ekranit duke e zëvendësuar atë me opsionin “finger print”.

Ashtu sikur Apple, Samsung ka zëvendësuar modelin plastic të telefonave me atë me xham. Modeli i “S6 Edge” ishte ndër modelet e para të Samsung në të cilin paraqitej ekrani i tij inovativ.

Kamera

Me prodhimin e telefonave të mençur të apasionuarit pas fotografive tashmë e kanë me vete edhe një lloj aparti me të cilin mund të bëjnë fotot në mënyrën më të thjeshtë të mundshme pasi të dyja markat Samsung dhe Apple ofrojnë kamera me kualitet të lartë të cilat lehtësisht zëvendësojnë  kamerat profesionale.

Samsung apo iPhone - Kamera

Telefonat e rinj të prodhuar nga Apple iPhone 11, 11 Pro dhe 11 Pro Max tashmë ofrojnë kamerë me 3 lente të cilat fotografojnë në 12Mp.

Samsung gjithashtu ka zhvilluar shumë kamerën. S10+ ka të vendosur 3 lente në kamerën e pasme ndër ta një lente e cila ka një kënd të gjerë 16 Mp e cila kapë pamje prej 123 shkallëve.

Ekrani

Me lansimin e telefonave të rinj, të dy Apple dhe Samsung ka ofruar telefona me rezolucion shumë të lartë të ekraneve. Duke filluar nga Samsung S10+ rezolucioni i të cilit arrin në 3.040 x 1.440 pixels deri tek Apple i cili ka shënuar një rezolucion prej 2.688 x 1.242 pixels në iPhone 11 Pro Max.

Samsung apo iPhone-Ekrani

Cilëndo nga opsionet me të cilat ju vendosni të shkoni, nuk do të gaboheni. Të dy markat e telefonave kanë stile të ndryshme ekrani. Telefoni më i ri iPhone ka ekran Super Retina XDR OLED ndërsa Samsung ka ekran Dynamic AMOLED. Të dy llojet e ekraneve i kanë karakteristikat e veta, dhe përzgjedhja që ju do bëni sigurisht që varet nga shijet e juaja personale dhe nga ajo se cili ju doket më i përshtatshëm në syt tuaj.

Hapësira

Besoj që ju ka rastisur të ndëgjoni përdoruesit e iPhone të ankohen se nuk kanë hapësirë të mjaftueshme. Kjo ndodh për shkak se iPhone nuk ka mikro-kartelë SD për të zgjeruar hapësirën e brendshme. Megjithatë telefoni i ri iPhone 11 Pro ofron 512 GB të hapësirës së brendshme. Prandaj, para se të bleni një iPhone ju duhet të mendoni se a është kjo hapësirë e mjaftueshme për tu shfrytëzuar nga ju.

Për dallim nga Apple, telefonat Samsung ofrojnë hapësirë të mjaftueshme tek llojet e reja të telefonave. Samsung S10 ka 512 GB. Përveç kësaj hapësire Samsung ofron gjithashtu mikro-kartelën SD e cila iu mundëson të rrisni hapësirën përtej asaj që është e shfrytëzueshme në telefon. Pra, nga 512 GB përmes mikro-kartelës SD hapësira e zakonshme mund të rritet deri në 1TB.

Sistemi operues

Apple përdor sistemin operues iOs. Ky sistem ka kontrollë të plotë mbi përditësimin e versioneve, rritjes së sigurisë dhe shpërndarjes së këtyre përditësimeve në paisjet e tyre. Ndërsa për të gjithë përdoruesit e tij, Samsung ofron sistemin operues Android. Paisjet e Samung zakonisht lansohen me versionet më të reja të programit Android. Ndryshe nga Apple, Samsung përdor një sistem operues të quajtur “ONE UI” për të optimizuar përdorimin e e paisjeve dhe përditësimin e sistemit.

Samsung apo iPhone-Sistemi operues

Besoj që tashmë e keni vendosur se prej cilit nga këto marka do të jetë telefoni juaj i ardhshëm. Vizitoni merrjep.com dhe gjeni telefonin tuaj ideal në mesin e mijëra shpalljeve ditore për Samsung dhe Apple.

 

Në fillim