Lojera per femije

20 Lojëra për fëmijë të moshave të ndryshme

Fëmijët sot po përdorin teknologjinë në moshat më të reja. Kompjuterët, tabletët dhe dorezat e lojrave janë mjete të shkëlqyera për fëmijët. Ashtu si të rriturit, fëmijët e sotëm mund të bëhen të varur nga video. Sidoqoftë, prindërit mund të kontrollojnë kohën që fëmijët e tyre kalojnë me këto lojëra dhe më pas të përshtatin kohën e lojës së fëmijëve të tyre për të inkurajuar zakone të shëndetshme siç janë lojërat dhe aktivitetet në natyrë.

Nëse jeni duke kërkuar lojra argëtuese, edukative, kreative, lojra psikologjike për fëmijë apo lojra për fëmijë në natyrë, kjo listë me 20 lojra për fëmijë parashkollor deri tek ata më të mëdhenj është perfekte për ju.

Lojëra tradicionale

     1. Kukafshehti

Loja kukafshehti është një nga lojërat më të njohura tradicionale që luhet nga fëmijët. Qëllimi i lojës është që të gjeni një person që fshihet përpara se t'ju gjejë juve personi që po kërkoni. Kjo është një lojë mjaftë argëtuese e cila aktivizon të gjitha shqisat e fëmijëve tuaj. Ata do të mësojnë fjalë të reja, do të zhvillojnë aftësitë e tyre të kërkimit dhe do të rrisin kreativitetin e tyre gjatë lojës.

loja kukafshehtas

     2. Puzzle

Loja Puzzle është një lojë e thjeshtë dhe argëtuese për të luajtur me fëmijët tuaj. Shumë fëmijë ndihen të tërhequr nga enigmat e llojeve të ndryshme sepse ato stimulojnë trurin e tyre, rrisin aftësitë njohëse, përqendrimin, logjikën, sigurojnë argëtim dhe fëmijët pastaj ndjejnë kënaqësi që kanë zgjidhur diçka të vështirë.

Loja puzzle

Loja lejon fëmijën të zgjedhë nga një përzgjedhje enigmash dhe më pas t'i jepen pjesët e mbetura për të përfunduar të gjithë enigmën. Ndërsa secila pjesë vendoset në mënyrë korrekte, enigma kompletohet dhe merr pamjen e duhur për të cilën jeni munduar që nga fillimi.

     3. Ngriva Shkriva

Loja ngriva shkriva është gjithashtu një lojë tradicionale e cila luhet me 3 apo më shumë lojtarë. Njëri nga lojtarët duhet të ndjek lojtarët e tjerë nga pas dhe duhet t’i prek para se ata të thonë fjalën “shkriva”. Kur lojtari thotë fjalën “ngriva” ai bëhet imun dhe nuk mund të preket. Kështu loja vazhdon sërish derisa lojtari të thotë fjalën “shkriva”.

Lojëra Kreative

     4. Sfida e vizatimit

Sfida e vizatimit zhvillon mendimin kreativ tek fëmijët dhe i mëson ata të ndjekin udhëzimet e dhëna. Për të zhvilluar lojën, juve ju duhet të krijoni 10-15 karta në të cilën duhet të shkruani udhëzimet specifike për figurat apo vizatimet që fëmijët duhet t’i vizatojnë gjatë lojës. 

Loja sfida e vizatimit

Udhëzimet mund të përfshijnë “Vizatoni një shtëpi”,”Vizatoni një rreth”,”Vizatoni një krijesë me katër këmbë” apo shembuj të ngjajshëm. 

Për ta bërë lojën edhe më argëtuese, ju mund të shtoni një kohëmatës për secilën temë dhe tregojuni fëmijëve se kanë kohë vetëm 60 sekonda për të vizatuar në fletat e tyre.

     5. Simon thotë 

Loja Simon thotë është një aktivitet i shkëlqyeshëm dhe ideal për të zhvilluar lojra për fëmijë në shtëpi apo në kopsht. Një lojtar merr rolin e "Simon" dhe jep udhëzime (zakonisht veprime fizike të tilla si "kërce në ajër" ose "duartrokit") për lojtarët e tjerë. Veprimet që lojtari në rolin e “Simon” thotë duhet të ndiqen vetëm kur paraprakisht ai apo ajo i ka thënë me frazën "Simon thotë" ". Për shembull, nëse lojtari thotë: “Simon thotë kërce në ajër” të gjithë fëmijët e tjerë duhet të kërcejnë në ajër. 

Loja simon thote

Nëse lojtari thotë një veprim pa thënë fillimisht “Simon thotë”, lojtarët e tjerë që ndjekin veprimin e tij, skualifikohen nga loja. Për shembull, nëse lojtari thotë “Kërce në ajër” dhe dikush kërcen në ajër, ata skualifikohen nga loja.

Lojëra edukative

     6. Loja me pretendime

Loja me pretendime ndryshe e njohur si loja me role,është një lojë e shkëlqyeshme për fëmijë e cila nxit zhvillimin e trurit si dhe zhvillimin kognitiv dhe social të fëmijëve. Fëmijët mund të zgjedhin një profesion për të cilin ata shfaqin interesim dhe të bëhen sikur po punojnë në po atë profesion dhe po e trajtojnë atë në mënyrën e duhur. Varësisht prej preferencave ata mund të zgjedhin të jenë doktor, mësues/e,veterinar/e, inxhinier/e, kuzhinier/e, këngëtar/e etj.

loja me pretendime

     7. Loja me kafshë dhe zar

Krijoni një zar prej kartoni dhe shkruani një emër kafshe në secilën anë të kutisë. Bëni që fëmija të hedhë zarin butësisht duke rrotulluar atë derisa t’i bie njëra nga kafshët e shënuara në kuti. Pasi të shohin se cila kafshë ju ka rënë ata duhet të lëshojnë tingullin dhe lëvizjet që bën ajo kafshë. Kjo lojë do të zhvillojë aftësitë e kominikimt tek të vegjlit tuaj si dhe do të rrisë njohuritë që ata kanë për kafshët.

     8. Tregimi i historive

Pavarësisht moshës, të gjithëve na pëlqe të tregojmë histori, por janë pikërisht fëmijët që e shijojnë këtë pjesë më së shumti. Tregimi i historive, përrallave apo storjeve imagjinare nxitë fëmijët të fokusohen dhe të krijojnë diçka të bukur për t’ju treguar të tjerëve. 

Angazhojini fëmijët të tregojnë histori nga jeta e tyre, përralla dhe bëni sikur ata të jenë pjesë e një publiku të madh. Në këtë mënyrë ata shfaqin kreativitetin e tyre dhe njihen më mirë me fëmijët e tjerë të lagjes apo klasës nëse vendosni që këtë lojë ta luani në kopsht apo shkollë.

     9. Loja e të ndëgjuarit

Mblidhni disa gjëra të zakonshme që fëmijë tuaj përdorin në përditshmëri. Prezantojini ato para fëmijëve dhe sigurohuni që të gjithë të jenë në gjendjen t’i shohin sendet e zgjedhura dhe merrni ato me vete. Pasta, kërkoni njërit nga fëmijëve t’i mbyll sytë dhe të dëgjojë gjersa ju merrni njërën nga sendet e zgjedhura dhe krijoni tingull me të. Kërkojini fëmijës të hamendësoj se çfarë mund të jetë sendi që ju keni në dorë dhe shikoni nëse ai/ajo mund ta gjejë. 

Disa sende që mund t’i përdorni për këtë lojë janë: lapsi (shkruani për të lëshuar tingullin), një gotë (trokit butësisht me të në tavolinë), krehër (drejto gishtat përgjatë tij), letër (ndrydheni letrën për të krijuar tingullin), etj.

Lojëra për fëmijë në natyrë

     10. Hedhja e topave të pingpongut

Merrni disa gota plastike, mbushini ato deri në gjysmë me ujë dhe renditni në pesë rreshta. Shkruani në secilën gotë pikët që fëmijët marrin në rastet kur ata arrijnë të fusin topin në gotën e caktuar. Sigurohuni që gotat më të afërta me fëmijët t’i shënoni me një pikë, ndërsa gotat më të largëta t’i shënoni me pikë më të larta.

Loja me topa ping pongu

Për të filluar lojën ju duhet të vendosni një shportë me topa pingpongu dhe rreshtoni fëmijët që me radhë të hedhin topat e tyre në gotat e vendosura mbi tavolinë. Secili lojtar ka gjithsej 30 sekonda për të hedhur sa më shumë topa që të jetë e mundur. Lojtari që arrin rezultatin më të lartë të lojës është ftiuesi.

     11. Loja me litar

Kjo lojë është shumë e thjeshtë dhe e gjitha çfarë ju duhet pë realizimin e saj është një litar. Për të filluar me lojën, ju duhet të ndani fëmijët në mënyrë të barabartë dhe t’i rendisni ata në të dyja anët e litarit. Sigurohuni që të vizatoni një vijë në mes të tyre në mënyrë që të dy grupet e fëmijëve të tërheqin litarin derisa grupi tjetër shkel vijën e mesit.

Loja me litar per femije

     12. Bowling me shishe plastike

Kush tha që duhet të dilni nga shtëpia për të luajtur bowling? Ja ku e keni një opsion për tu argëtuar me fëmijët në oborrin tuaj. Përdorni shishet e plastikë si kunja bowlingu dhe merrni një top me madhësi mesatare për t’i rrëzuar ato. Kjo lojë është argëtuese dhe e shkëlqyeshme për fëmijë të të gjitha moshave.

Bowling me shishe plastike

     13. Loja me flamur/shami

Loja me flamur, ndryshe njohur edhe si loja me shamija është një lojë që sjellë shumë argëtim tek fëmijët. E gjitha çfarë ju duhet për të zhvilluar lojën është një shtizë (shkop) e cila duhet të ngulitet në tokë dhe një shami e cila duhet vendosur sipër saj.

Për të filluar lojën, ju duhet t’i ndani fëmijët në dy grupe dhe të vendosni shtizën me flamur në mes dy grupeve. Merrni me radhë nga 1 fëmijë prej secilit grup që të garojnë për kapjen e flamurit. Të dy fëmijët duhet të nisen në të njejtën kohë dhe kur të arrijnë tek flamuri, ata së pari duhet të ndalen dhe pastaj njëri prej tyre të marr flamurin. Ai që kap flamurin i pari, duhet të vrapojë shpejtë dhe të dërgoj flamurin brenda territorit të tij tek pjestarët e tjerë të grupit. 

     14. Karrige muzikore

Në një rreth, rregulloni karriget e kthyera nga jashtë, në total karriget duhet të jenë një më pak se numri i lojtarëve. Një person duhet të kujdeset për muzikën, pra ta ndal dhe ta lëshojë atë kur të vij momenti. Kur fillon muzika, lojtarët ecin rreth karrigeve. Kur muzika ndalet, lojtarët ulen në karrigen më të afërt sa më shpejt që të munden. Lojtari që mbetet pa karrige humbet dhe del nga loja. Pas kësaj njëra nga karriget hiqet dhe loja vazhdon në këtë mënyrë. Lojtari që ulet në karrigen përfundimtare është fituesi.

karriget muzikore

     15. Dritë e kuqe, Dritë e Jeshile - Semafor!

Një person është semafori në njërin skaj, dhe lojtarët e tjerë janë në skajin tjetër. Kur semafori kthehet me fytyrë nga grupi, ai ose ajo thotë: "Dritë e kuqe!" dhe të gjithë duhet të ngrijnë. Semafori pastaj ia kthen shpinën grupit dhe thotë: "Dritë jeshile!" ndërsa grupi përpiqet të afrohet sa më shumë me semaforin. Semafori kthehet shpejt me fytyrë nga grupi, përsëri duke thënë: "Dritë e kuqe!", dhe nëse ndokush vërehet duke lëvizur, ata duhet të kthehen në vendin ku filluan lojën. Personi i parë që afrohet pranë semaforit fiton lojën dhe bëhet semafori tjetër.

Lojëra para kohës së gjumit 

     16. Shikoni retë

E vertetë që nuk ka re në dhomën tuaj të gjumit, por kjo është një lojë imagjinate. Shtrihuni sëbashku me fëmijët dhe përshperisni, “Uau, shiko këto re kaq të bukura”. Ju mund të tregoni pastaj se çfarë “shihni” në qiell dhe shumë shpejtë fëmijët do të shfaqin kreativitetin dhe botën imagjinare duke ju treguar se ata shohin yjet, diellin, hënën, etj.

     17. Kërkoni dhe gjeni

Shtrihuni në një kënd të rehatshëm dhe thuaji fëmijës të gjejnë objektet apo lodrat që gjenden në dhomë në bazë të udhëzimeve tuaja. Për shembull, ju mund t’i thoni të gjejnë diçka në formë katrore, diçka të kuqe, diçka me rrota, etj. Varësisht prej gjërave që edhe ju edhe fëmijët mund t’i shihni.

     18. A-Z

Loja me shkronja A-Z do të ndihmojë fëmijët tuaj të zgjerojnë njohuritë e tyre dhe të mësojnë sa më shumë fjalë të reja. Çdo ditë, para kohës së gjumit, kërkoni nga fëmija juaj të gjejë sa më shumë fjalë duke përdorur secilën nga shkronjat e alfabetit. 

Një shembull i lojës A-Z për kafshët në gjuhën angleze krijuar nga Signs4Learning do t’ju ndihmojë për fjalët që mund t’i përdorni gjatë lojës:

Loja a-z

     19. Numërimi në qetësi

Kjo lojë luhet me më shumë se dy fëmijë. Për të zhvilluar lojën ju duhet të lini fëmijët të shtrihen dhe t’i mbyllin sytë. Pasi ata të rehatohen në pozitën e caktuar, ata mund të fillojnë numërimin sipas radhës secili nga një numër. Në këtë mënyrë, njëri fëmijë fillon me numrin një, tjetri pas tij vazhdon me numrin dy, tjetri tre e kështu me radhë. Kështu fëmijët koncentrohen duke pritur për të thënë numrin e radhës kur t’ju vie momenti.

     20. Loja e pastrimit

Loja e pastrimit bëhet me qëllim që të pastroni rrëmujën e krijuar sa ishit duke bërë qejf me fëmijët. Në mënyrë të sistemoni gjithçka në vendin e vet, ju mund ta bëni këtë proces si një garë mes fëmijësh pasi ata duan çdo gjë që ka të bëj me garat. Organizoni një garë të vogël për të parë se cili nga ta do të vendos më shumë lodra në vendin e tyre për një kohë të caktuar. Ai/ajo që pastron më shpejtë fiton!

Loja e pastrimit

Kështu arritëm në fund të listës të 20 lojërave për fëmijë. Ne ju sigurojmë që nëse zgjidhni t’i luani këto lojëra, fëmijët do të kënaqen dhe do të mësojnë aftësi të ndryshme në të njëjtën kohë. Motivoni fëmijët duke ju dhuruar atyre shpërblime pas çdo loje të përfunduar. Si shpërblim mund të përdorni diçka të zakonshme si fruta, çokollatë, akullore apo diçka tjetër që fëmijët preferojnë.

Në fillim

Uebfaqja jonë përdor Cookies për të përmirësuar eksperiencën tuaj në shfletimin e faqes. Duke klikuar "Unë pajtohem" ose duke vazhduar me përdorimin e uebfaqes, ju pajtoheni me përdorimin e Cookies. Nëse ju nuk pajtoheni, ju mund t'i ndryshoni parametrat e kërkimit në shfletuesin tuaj.

Më shumë informacione