Si të shkruajmë një letër motivimi për punë - Shembull

Nëse po aplikoni për një vend pune, një punëdhënës mund t'ju kërkojë të shkruani një letër motivuese. Por, si mund ta bëni këtë?

Më poshtë ne do të diskutojmë se si shkruhet një letër motivimi dhe procesin e krijimit të saj në mënyrë që ju të jeni në gjendje të krijoni një letër motivimi të personalizuar që ju bën të pranoheni kudo.

Çfarë është një letër motivimi? 

Letra e motivimit është një dokument në të cilin përfshihen të dhënat personale dhe zakonisht kërkohet gjatë aplikimit për punë, studime jashtë vendit apo kur duam të bëhemi pjesë e trajnimeve apo programeve në fusha të ndryshme. 

Letra motivuese i bashkangjitet CV-së dhe duhet të shkruhet në përputhje me aplikimin tuaj. Nëse letra motivuese ju kërkohet gjatë aplikimit për punë, atëherë, në të duhet të përfshini arsyet se përse jeni duke aplikuar për pozitën e caktuar, eksperiencën tuaj paraprake si dhe të dokumentoni se përse ju jeni kandidati i përshtatshëm për atë pozitë.

Si të strukturoni një letër motivimi?

Një letër e mirë motivuese është një dokument një faqe ku prezantoni veten, historinë tuaj dhe tregoni interesin tuaj për pozicionin ose organizatën ku po aplikoni. Shkrimi i një letre të mirë motivimi kërkon kohë, prandaj sigurohuni që të punoni në mënyrë metodike përmes hapave të spjeguar më poshtë për të krijuar letrën tuaj në mënyrën më të mirë të mundshme.

Mënyra kryesore për të strukturuar letrën tuaj motivuese është struktura 3 paragrafëshe e cila përfshinë:

  1. Hyrjen

  2. Pjesën kryesore të tekstit

  3. Përfundimin

Para se të filloni me hyrjen, ju duhet të vendosni në krye të faqes informacionet tuaja të kontaktit si emri, mbiemri, adresa e banimit, e-maili dhe numri kontaktues, si dhe informacionet e kompanisë/organizatës për të cilën po aplikoni përfshirë emrin e kompanisë dhe adresën.

Shembull:

1. Hyrja

Hyrja duhet të përfshijë një paragraf hyrës që prezanton veten dhe qëllimin tuaj për të aplikuar për pozitën e hapur. Shkruani se kush jeni dhe përmendni arsyen se përse dëshironi të aplikoni në këtë pozitë pune.

Sigurohuni që të gjeni emrin e personit përgjegjës për rekrutimin e punëtorëve në atë kompani dhe adresojuni atyre në fjalët tuaja të hapjes, për t’i dhënë letrës tuaj një kahje personale. Në rastet kur nuk mund ta gjeni emrin e personit përgjegjës mund të përdorni fjalinë ( I/e nderuar).

Shembull:

I/e nderuar _______ (Mbiemri i marrësit)

• Unë quhem ___________(emri dhe mbiemri) dhe po ju shkruaj në lidhje me pozitën e hapur _______________ (shkruani pozitën e punës) në kompaninë _______ (emri i kompanisë).

• Unë quhem ________ (emri dhe mbiemri) dhe do të doja të shprehja interesin tim për të aplikuar për pozitën ___________( pozita e punës) në kompaninë _____ (emri i kompanisë).

2. Pjesa kryesore e letrës motivuese

Kjo është pjesa kryesore e letrës suaj sepse informacionet që shkruani këtu do të jenë arsyet nëse punëdhënësi do ju ftojë në një intervistë apo jo.

Mundohuni që të përshkruani atë që ju mund t’i ofroni punëdhënësit përfshirë kualifikimet, arritjet, aftësitë dhe pasionet tuaja që kanë të bëjnë me pozitën e punës për të cilën aplikoni, gjithmonë duke u mbështetur në fakte në mënyrë që të jeni sa më i besueshëm tek punëdhënësi.

Disa nga frazat që mund t’i përdorni në këtë pjesë janë:

• Pasioni im për __________ (profesionin tuaj) filloi kur_______ (përmendni një eksperiencë tuaj jetësore).

• Unë kam qenë pjesë e _________ (një kompanie/organizate) për ___ muaj / vjet. Kjo është eksperienca më e mirë për mua sepse _______ (përmend se çfarë ke mësuar nga kjo eksperiencë).

• Ajo që më dallon nga moshatarët e mi është __________(përmendni një pjesë të veçantë të karakterit) .

• Pasionin tim për ______ (profesion) e zhvillova gjatë praktikës/punës në _______ (emri i kompanisë/organizatës). Puna në një kompani të vogël më lejoi të fitoja përvojë në _____(fushë të caktuar të profesionit). Tani, unë do të doja të futem më në brendësi dhe të fitoja njohuri  më të thella duke marrë punuar në ______ (emri i kompanisë) si ______ (pozita e punës/përgjegjësitë).

3. Përfundimi

Përfundojeni letrën tuaj të motivimit duke përmbledhur qëllimet tuaja për pozitën e punës dhe falenderojeni punëdhënësin për shqyrtimin e aplikimit tuaj. Sigurohuni që letra juaj të përmbajë një thirrje veprimi duke lënë të nënkuptoni që ju kërkoni që punëdhënësi të ju ftojë për një intervistë pune.

Shembull:

Unë besoj jam një përshtatje e shkëlqyeshme për kompaninë tuaj sepse jam _______ (përmendni cilësi pozitive). Unë jam gjithashtu i/e aftë në _____ ( kryerjen e përgjegjësive të caktuara) të cilat i zhvillova përmes (përvojave ose kurseve që ju mësuan aftësitë). 

Nëse keni ndonjë pyetje ose dëshironi të dini më shumë rreth kualifikimeve të mia apo eksperiencës time mos hezitoni të më kontaktoni. 

Faleminderit për kohën dhe konsideratën tuaj. Unë pres që të flas me ju për këtë mundësi punësimi.

Pasi të shkruani letrën, ju duhet t’a përmbyllni atë me përshëndetjen e fundit përmbyllëse. Në këtë rast mund të përdorni frazat: “Gjithë të mirat”, "Sinqerisht" apo “Përzemërsisht” si dhe emrin tuaj në fund.      

Këshilla për të shkruar një letër motivimi në mënyrën më të mirë të mundshme

Letra motivuese shpesh herë mund të ketë mangësi apo të përmbajë informacione të pa nevojshme. Ndiqni këto këshilla dhe evitoni të gjitha gabimet e mundshme gjë mund t'i bëni gjatë krijimit të letrës motivuese.

  • Personalizojeni letrën duke ia shkruajtur emrin personit përgjegjës për rekrutimin e punëtorëve. Këtë informacion mund ta gjeni pasi të hulumtoni rreth kompanisë.

  • Lexoni kërkesat e punëdhënësit me kujdes.

  • Hulumtoni për kompaninë dhe mësoni për misionin e tyre në treg.

  • Demonstroni që jeni të kualifikuar për pozitën e caktuar përmes shembujve nga eksperienca juaj personale.

  • Tregoni përgjegjësitë që keni pasur në eksperiencat e kaluara.

 • Fokusohuni në pikat tuaja të forta. Shkruani për pikat tuaja të forta më shumë sesa për sfidat që keni kaluar.

  • Letra juaj motivuese duhet të demonstrojë se vërtet dëshironi të jeni pjesë e asaj kompanie. Prandaj, përfshini arsye specifike, demonstroni njohuri dhe shprehni pasionin për të aplikuar në kompaninë e caktuar pa u shtirur.

  • Personalizojeni tekstin duke dhënë shembuj konkret për situata të caktuara.

  • Kontrolloni tekstin për gabime gramatikore

Letra e motivimit mund të krijohet në uebfaqe online si Europass, Canva apo Microsoft Word dhe Google Docs. 

Më poshtë mund të gjeni një shembull të letrës motivuese e cila është e përshtatshme për aplikim pune në pozitën “Specialist i shitjeve”.

Ju mund të përdorni këtë shembull të letrës motivuese si një udhëzues për letrat tuaja në aplikimet për administratë, marketing apo ndonjë pozitë tjetër pune duke zëvendësuar detajet tuaja.

Letër motivimi për pozitën “Specialist i Shitjeve”

Ky artikull do të ju ndihmojë të krijoni një letër motivimi që do impresionoj punëdhënësin tuaj. Ndiqni të gjitha udhëzimet me kujdes dhe krijoni letrën tuaj të motivimit sipas kërkesave të tregut të punës për të bërë diferencën mes aplikuesve të tjerë.