Stilet më të njohura të enterierit në Kosovë

 

Planifikimi per te dizajnuar shtëpinë apo apartamentin tuaj ështe njëra nga zgjedhjet më të rendesishme e cila mund gjithashtu të shoqerohet me idetë e një personi te dytë, në rastin tonë të dizajnerit.

Dizajni i brendshëm i shton jetë dhe ngrohtësi shtëpisë suaj. Prandaj gjëja e pare që çdo kush e mendon pasi të përfundojë ndërtimin e shtëpisë, është enterieri i saj.

Përveç tjerash është e rëndësishme që edhe arkitekti apo dizajneri që projekton hapësirën tuaj të banimit, duhet të ketë eksperiencën e tij në këtë fushë.

“Thuhet se shtëpia bëhet vetëm një herë”, dhe në këtë rast nëse hapësirës tuaj banuese apo tjetër funksion që mund të përmbajë, dëshironi që t’i jepni jetë të një arkitekture bashkëkohore moderne, dhe të ketë jetëgjatësi edhe në vitet në vijim atëherë preferohet bashkepunimi me një arkitekt në mënyrë që të bëni zgjedhjen tuaj ideale të enterierit, këshillon arkitektja Shkurte Sadiku.

Vendimet e sakta që kanë të bëjnë me arredimin e shtëpisë suaj do të bëjnë që ngjyrat e mureve, tapetave dhe mobiljeve t’i japin asaj ngrohtësinë familjare duke e bërë atë unike dhe tërheqëse.

Stilet e enterierit dallojnë nga populli në popull.

Ne kemi pasur mundesinë të shohim dizajne te enteriereve te ndryshme nga popuj të ndryshëm, dizajne të cilat i kemi gërshetuar me ato Shqipëtare.

Por cilat janë dizajnet enteriere të cilat tashmë kanë gjetur vend tek ne?

Enterieri Tradicional

Stili i dizajnit tradicional ofron detaje klasike të një populli.

Sic mund ta vëreni edhe në foton e mëposhtme shtëpitë tradicionale ne Kosovë janë të arreduara me dysheme të errëta të drurit.

Enterieri tradicional

Enterieri tradicional sjellë ngrohtësi dhe elegancë të së kaluarës në të tashmen.

Tavolina, mobiljet, dyshemeja dhe shtrati te gershetuara me enterierin tradicional perherë do sjellin të kaluarën tek ju.

E ku më mire se në shtepinë tuaj!

Enterieri Klasik

Enterieri klasik është një hapësirë e punuar me shumë kreativitet në shtëpitë e Kosovës.

Stili klasik është i pranishëm më së shumti në periferi të Kosovës ku kërkesat për një stil më të ngarkuar vazhdojn e rriten.

Enterieri klasik

Stili klasik perfaqëson vetë elegancën.

Toni i zakonshëm i ngjyrave në enterierin klasik është i inspiruar nga ngjyrat e natyrës.

Hijet e të verdhës, të kaltërtës, të kaftës dhe ngjyra tjera më të buta si ngjyra e hirit dhe e tokës janë ngjyra tipike të enterierit klasik.

Enterieri Modern

Perveç enterierit tradiconal dhe atij klasik, enterieri qe që është duke u përdorur më së shumti në Kosovë gjatë kohës së fundit është ai modern.

Arsyeja që qëndron pas kësaj është zhvillimi që ka pësuar teknologjia, gjë që e cila na ka mundësuar të kemi qasje në ëebfaqe te ndryshme dhe të jemi nën ndikimin e trendeve të fundit të dizajneve botërore.

Termi “enterier modern” i referohet nje shtëpie me stil të pastër dhe të thjeshtë që fokusohet në përdorimin e materialeve areduese si xhami dhe celiku.

Enterieri modern

Dizajni modern përbëhet nga një thjeshtësi në mobilim.

Sic edhe e shohim në shumicën e shtëpive në Kosovë, në hapësirat me stil modern te arredimit nuk kemi mobilje të panevojshme dhe aksesorë të pa shfrytëzueshëm.

Pra mund të themi se ky model i arredimit të shtëpisë është pothuajse minimalist dhe mirë i menduar.

Ngjyrat që përdoren për ta realizuar këtë stil të enterierit janë ngjyra neutrale si hije e bardhë, ngjyrë hiri dhe ngjyra tjera të lehta.

Tashmë ju e dini se cilat stile të enterierit përdoren në Kosovë.

Nëse nuk e keni kompletuar ende shtëpinë tuaj Merrjep.com ju mundëson të zgjedhni orendit ideale për shtëpinë tuaj.

Nëse jeni minimalist dhe dëshironi që ta merrni situaten nën kontroll, më poshtë mund të gjeni disa ide të thjeshta të dekorimit.

Dekorimi i vendit në të cilën vendoset televizori

Në shumicën e dhomave të ditës televizori është ai që merr gjithë vëmendjen. Prandaj kjo pjesë duhet dekoruar me shumë kujdes.

Vendosja e televizorit në një komodinë si kjo do t’i jape ambientit tuaj një pamje moderne dhe mjaftë të vecantë.

Si ta zgjedhim ndricuesin e duhur?

Ndriqimi është një tjetër detaj që do ta bëjë shtëpinë tuaj të duket e arreduar me shumë shije.

Ndricuesit ndikojnë në pamjen e gjithë hapësirës së shtëpinë tuaj, prandaj bëni zgjedhjen e duhur që e gjithë pamja e interierit tuaj të duket e vecantë pa shpenzuar shumë.

E shihni sa pamje të bukur i ka dhënë ky ndricues kuzhinës?

Guxoni të provoni ide të reja ndricimi, mos mbetni tek e thjeshta sepse nuk do të keni efektet e njejta ndricuese.