Cilat janë makinat më të kërkuara në Kosovë?

Është gjithmonë tërheqëse ti blini vetes një makinë të re - të paktën një që është e re për ju. Për fat të keq, gjetja e një automjeti të përsosur për ju mund të jetë një dhimbje koke. Askush nuk e shijon shitësin e zakonshëm me presion të lartë duke marrë frymë mbi shpatullën tuaj, duke u përpjekur t'ju bëjë presion që të merrni në shtëpi një veturë e cila nuk i plotëson nevojat apo pritjet e juaja fillestare. Fatmirësisht, ka shumë faqe në internet për blerjen e automjeteve që synojnë blerësin serioz të makinave, të gjitha janë të pajisura me gjithçka nga sedanët e mesëm deri tek kamionët transportues për të gjitha llojet e terreneve.

Në Kosovë ka një trend rritjeje të kërkesës për automjete. Por jo vetëm në Kosovë. kërkesa për automjete të reja në tetë muajt e parë të këtij viti në Evropë është rritur me 6.1 për qind krahasuar me të njëjtën periudhë të vitit të kaluar. Pjesa më e madhe e shitjeve të automjeteve të pasagjerëve në tregun e BE-së prej 25.1 për qind u regjistrua nga VW Group me markat e saj Volkswagen, Audi, Porsche, Seat, Shkoda. Në vijim është grupi PSA (Peugeot, Citroen dhe Opel) me 15.9 për qind dhe Grupi Renault (Renault, Nissan, Dacia) me 10.9.

Në vitin 2014, në Kosovë ishin të regjistruara gjithsej 286,505 automjete. Më e vjetra ishte prodhim i vitit 1942. Marrë në përgjithësi, mesatarja e vjetërsisë së veturave që qarkullojnë në Kosovë është 18 vite, apo 10 vite më shumë se sa mesatarja e veturave që qarkullojnë brenda Bashkimit Evropian. Kësaj mesatare të lartë, në masë të madhe i ka kontribuar vendimi i qeverisë i vitit 2011 për lejimin e importit të veturave të përdorura deri në 13 vite, nga 8 sa kishte qenë më herët. Pas këtij vendimi, importi i veturave të përdorura u rrit për 44%, sikurse që u rritën në masë të madhe edhe të hyrat doganore nga veturat.

Sa i përket veturave më të kërkuara në Kosovë nuk ka ndonjë statistikë zyrtare dhe të saktë në të cilen do të mund të referoheshim.

Një nga veturat më të hasura në rrugët e Kosovës është Golf mk2 i njohur si ‘Golf 2’ i markës ‘Volkswagen’. KALLXO.com ka siguruar të dhëna nga Ministria e Punëve të Brendëshme të cilat tregojnë se në vendin tonë janë gjithsej 24 mijë e 202 copë Golf 2 apo rreth 10% nga rreth 250 mijë makina të regjistruara në vend.Golf mk2 ka dal në qarkullim në shtator të vitit 1984 në Frankfurt të Gjermanisë dhe ndërpreu prodhimin në vitin 1992, ku gjatë kësaj periudhe janë krijuar 6,3 milion të tilla.

Vetura qe tashmë në vendin tonë shitet me vlere 500 deri në 2000 euro, gjatë periudhës kur u prodhua arrinte vlerën e atëhershme 17.000 deri 20.000 marka.Ndër vite është konsideruar si një veture moderne, komode, familjare dhe me motor ekonomikë.

Me 120 kg kapacitet, Golf 2sh ka arritur që të prijë listave dhe të fitoj çmimet si ‘Vetura e vitit’.Në vitin 1984 është zgjedhur si ‘Vetura Evropiane e vitit’. Ndërsa në vitin 1985, revista britanike automobilistike ‘Ëhat Car? i dha Golf Mk2 në vitin 1985 çmimin “Makina e Vitit”, edhe pse në të vërtetë kishte dal në tregun e Mbretërisë së Bashkuar në fillim të vitit të kaluar.

Sipas Google Trends markat e veturave të cilat kërkohen më së shumti onlinë në Kosovë janë kështu sipas rendit:

1.       BMW

2.       Mercedes

3.       Audi

4.       VW

5.       Skoda

Një nga markat e veturave me rritjen më të madhe në Kosovë, padyshim që ka qenë Dacia. shitjet e modeleve të Dacia në tregun kosovar kanë parë një rritje të jashtëzakonshme me afro 60 për qind rritje nga viti në vit, përkatësisht nga fillimi i 2017, krahasuar me periudhën e njëjtë kohore të vitit 2016. Dacia është blerë nga Renault në vitin 1999. Në vitin 2004, Dacia u rikthye në treg me modelin Logan, ndërsa tani Dacia po përjeton një profil të lartë në tregun evropian të veturave.

Në fillim